Hlue si klei hưn mdah 6 mlan êgao, bruă duh mkra ala ƀuôn Lâm Đồng lŏ dơ̆ng mâo lu boh tŭ jăk ƀiădah ăt adôk lu klei dleh dlan. Đĭ kyar GRDP đăo tĭng mâo giăm 8%, amâo djăp klei kčah jing êbeh 9,3%; krĭng wăl tuh tia mkra mjing - rŭ mdơ̆ng leh anăn hdră bruă đĭ kyar ƀiă hĭn lu kơ klei kñăm. Prăk hrui wĭt ba čhĭ kơ ala tač êngao hrŏ mkă hŏng wưng anei thŭn êlâo; msir prăk bi liê knŭk kna mrâo mâo giăm 14% hdră kčah; mkra mlih hră mơar, mlih mrô ti đa đa alŭ wăl adôk êmưt, ka hrăm mbĭt.

Klei bi kƀĭn ksiêm dlăng, bi trông leh anăn bi mklă 24 hdră mtrŭn kơ dŭm klei bhiăn, hdră êlan mđĭ kyar  bruă duh mkra ala ƀuôn, bi liê knŭk kna, mbha klei găl, klei hdĭp mda ala ƀuôn leh anăn bruă ngă mơ̆ng bruă sang čư̆ êa nah gŭ, mbĭt anăn hlue ngă mbha mnuih mă bruă hlue si klei dưi, klei êmuh leh anăn wĭt lač hŏng dŭm mta bruă mâo phung bi ala kơ mnuih ƀuôn sang leh anăn mnuih ƀuôn sang mđing uêñ. Klei bi kƀĭn mkŏ mjing truh jih hruê 2/7.