Aguah mbruê 21/5, Bruă sang čư̆ êa čar Lâm Đồng mkŏ mjing klei kƀĭn ksiêm wĭt boh sĭt bruă duh mkra ala ƀuôn mlan 5/2026, hluê ngă bruă klam phŭn hlăm wưng kơ anăp. Ti anăp boh sĭt lu să, ƀuôn hgŭm leh anăn anôk bruă knơ̆ng mâo hnơ̆ng brei čan duh bi liê bruă Knŭk kna ƀiă, Bruă sang čư̆ êa čar Lâm Đồng mñă kơ dŭm alŭ wăl mtrŭt bi pral, gĭr truh hruê 30/6 mâo ƀiă êdi 40% hdră kčah.

Thŭn 2026, eneoh prăk duh bi liê bruă Knŭk kna jao kơ gưl să mơ̆ng čar êbeh 1.320 êklai prăk. Ƀiădah truh kơ ară anei knŏng mrâo brei čan mă êbeh 126 êklai prăk, mâo hlăm brô 11%, ƀiă hĭn hŏng klei vvuăn 18%. Năng mđing, adôk 10 să, ƀuôn hgŭm dưi jao ênoh prăk lu ƀiădah ka brei čan. Hluê si klei bi klă mơ̆ng dhar bruă djŏ tuôm, phŭn agha kyua klei gĭt gai êdu, knuă druh amâo đei thâo bruă, ngă hră mơar sui leh anăn kpăk klei ruh mgaih anôk ala. Khua Bruă sang čư̆ êa čar Lâm Đồng Hồ Văn Mười mñă kơ dŭm alŭ wăl čŏng ruh mgaih klei dleh dlan, mâo anôk ala srăng truh bruă leh anăn čan mtam.