Lâm Đồng Mtrŭt mjhar “Knăm pla ana kyâo lă lar hdơr kơ Awa Hồ
Thứ tư, 13:12, 20/05/2026
Pô mblang: Y Ƀel Êban/VOV
Pô mblang: Y Ƀel Êban/VOV
VOV.Êđê - Ƀri wưng bi hdơr 136 thŭn hruê kkiêng khua gĭt gai Hồ Chí Minh, hruê 19/5, Bruă sang čư̆ êa čar Lâm Đồng mkŏ mjing knăm mtrŭt mjhar “Knăm pla ana kyâo lă lar hdơr kơ Awa Hồ” leh anăn pla dliê bi kƀĭn, pla ana luôm êyui thŭn 2026.
Knăm anei dưi mkŏ mjing ti war mnga Mnga Sŭng Gơr, Wăl anôk kriê pioh ala čar Ênao Tuyền Lâm, ƀuôn hgŭm Xuân Hương - Đà Lạt.
Leh knăm mtrŭt mjhar, khua gĭt gai čar mbĭt hŏng lu phung knuă druh, đoàn viên, êdam êra leh anăn mnuih ƀuôn sang nao hgŭm pla mrâo 1.000 phŭn kyâo mtah, lu jing ana Sŭng Gơr jŭm dar ênao Tuyền Lâm. Thŭn 2026, Lâm Đồng gĭr pla 2.345ha dliê bi kƀĭn leh anăn 1,6 phŭn kyâo luôm êyui.
Viết bình luận