Mŭt hlăm thŭn 2026, ti čar Lâm Đồng mâo leh dŭm klei truh yan adiê msĕ si angĭn ktang, êa poh yă ti êa ksĭ, hjan mbĭt hŏng angĭn đrŭn hŏng klei hmăi truh hlăm brô 1,9 êklai prăk.

Čiăng bi mdrơ̆ng bi hrŏ klei hmăi mơ̆ng yan adiê hlăm yan hlĭm hjan thŭn anei, Bruă sang čư̆ êa čar Lâm Đồng ngă 17 bruă klam phŭn. Hlăm anăn mâo bruă ktuê dlăng, hưn brei răng hnưm dŭm boh klei yan adiê amâo mâo jăk, čŏng pô mkăp brei kdrăp yua, mnơ̆ng yua čiăng bi mdrơ̆ng hŏng klei truh yan adiê, rơ̆ng klei êđăp ênang knơ̆ng kdơ̆ng êa bi êran pui kmlă, mbĕ đuĕ mnuih ƀuôn sang mơ̆ng anôk arưp aram ti anăp klei truh yan adiê.