Mơ̆ng anăn, mâo tiŏ nao leh Đặng Đức Hiệp, Khua bruă Đảng ƀuôn hgŭm Xuân Hương – Đà Lạt truh hŏng êpul phung bi ala bruă kƀĭn ala čar pioh klam ngă jing k’iăng khua êpul bi ala bruă kƀĭn ala čar Lâm Đồng. Nguyễn Văn Lộc, Khua knơ̆ng bruă dhar kreh, mjuăt asei mlei lehanăn hiu čhưn ênguê Lâm Đồng dưi tiŏ nao ruah mdưm ngă khua bruă Đảng ƀuôn hgŭm Xuân Hương – Đà Lạt. Čar ăt tiŏ nao, ruah mdưm Hoàng Thanh Hải, K’iăng khua bruă Đảng dŭm anôk bruă Đảng păn ngă khua bruă Đảng ƀuôn hgŭm Ninh Gia. Phan Nhật Thanh, K’iăng khua knơ̆ng bruă rŭ mdơ̆ng dưi tiŏ nao lehanăn ruah mdưm ngă k’iăng khua adŭ bruă Đảng čar Lâm Đồng.

Trần Đình Ninh, K’iăng khua knơ̆ng bruă ngăn prăk mâo tiŏ nao, ruah mdưm ngă Khua kiă kriê klei hâo hưn, lehanăn đru čung ba mnuih ƀuôn sang mơ̆ng anôk bruă Đảng čar Lâm Đồng. Mbĭt anăn, čar ăt tiŏ nao lehanăn ruah mdưm dŭm k’iăng khua adŭ bruă hlăm knơ̆ng bruă sang čư̆ êa čar, k'iăng khua anôk bruă ksiêm dlăng čar, k'iăng khua kiă kriê knơ̆ng bruă ngăn prăk, k'iăng khua knơ̆ng bruă hŏng tač êngao, khua kiă kriê anôk bruă hiu čhưn ênguê ala čar Hồ Tuyền Lâm.