Hdră mâo ênoh duh bi liê giăm 10.000 êklai prăk, boh tiah giăm 145km, mâo 6 grông êlan êdeh, rŭ mdơ̆ng 2 bĭt kban Phú Hài leh anăn Cà Ty mbĭt hŏng giăm 85ha lăn ksĭng êa ksĭ. Pô duh bi liê dưi mñă brei bi leh hră mơar, hưn mdah hŏng êpul khua kiă kriê hdră duh bi liê rŭ mdơ̆ng mrô 2 êlâo kơ hruê 30/09/2026.

Êlan anei dưi bi leh hmăng hưi pŏk mlar wăl anôk ƀuôn prŏng, mđĭ klei mkŏ êlan klông, mtrŭt mđĭ bruă hiu čhưn ênguê, bruă mkăn leh anăn mđĭ hĭn boh tŭ ba yua kreh lăn ktuê hang ksĭ. Bruă sang čư̆ êa čar Lâm Đồng jao kơ dŭm knơ̆ng, dhar bruă djŏ tuôm ksiêm duah dŭm klei dleh dlan, kpăk gun hlăm klei ngă hdră, bi klă ênhă mâo hrui prăk yua lăn, prăk mưn lăn, bi klă boh tŭ keh lăn tla prăk, čhĭ lông lông ênoh mă prăk tlă kơ hdră bruă.