Ti anôk bi kƀĭn, mâo lu klei blŭ bi êdah klei dleh kpăk prŏng ară anei, amâo mâo dôk hlăm hdră êlan kơ klei mkŏ mjing ară anei. Mâo dŭm hdră ngă hră mơar ăt dôk jing klei bi kpăk prŏng kơ mnuih ƀuôn sang lehanăn phung duh mkra, hdră mă bruă plah wah mơ̆ng dŭm anôk bruă ka bi sa hnơ̆ng, klei hlue ngă kdrăp mrô hlăm bruă knuă ăt dôk awăt, êjai anăn ai tiê mă bruă, lehanăn bruă klam mơ̆ng grăp čô knuă druh ka djŏ hŏng hŏng klei čoh čuăn ênuk gưl mrâo ôh.

Hồ Thị Nguyên Thảo, K’iăng khua knơ̆ng bruă sang čư̆ êa čar Daklak mtă leh kơ dŭm knơ̆ng dhar bruă, êpul êya lehanăn alŭ wăl mđĭ hĭn bruă klam mơ̆ng pô djă akŏ hŏng bruă ngă hră mơar, mđĭ hĭn klei thâo bi mguôp, thâo bi kah mbha bruă knuă plah wah dŭm anôk bruă, lŏ dơ̆ng dăp wĭt, tiŏ nao knuă druh bi djŏ guôp hŏng grăp mta bruă, lehanăn klei čoh čuăn mơ̆ng bruă knuă./.