Hlăm klei kƀĭn, phung bi ala bi trông, brei klei blŭ mguôp kơ dŭm boh klei msĕ si: Mkŏ mjing dŭm êpul thơ̆ng kơ bruă čiăng bi klă ksiêm dlăng, ai dưi, klei ba yua AI hlăm klei ksiêm dlăng, bruă mkŏ mjing, mă klei blŭ mguôp dŭm êpul bruă, knơ̆ng bruă…

Bi klă hlăm klei kƀĭn, k’iăng Khua Knŭk kna Lê Tiến Châu bi myuôm klei nao hgŭm mơ̆ng dŭm phŭn, dhar bruă, alŭ wăl leh anăn čih yap dŭm boh tŭ dưn mơ̆ng klei ksiêm dlăng dưi mâo. Mbĭt anăn, k’iăng Knŭk kna mñă kơ đa da phŭn, dhar bruă, alŭ wăl ka hur kar hlăm bruă hluê ngă djŏ klei gĭt gai mơ̆ng Phŭn bruă kđi čar. K’iăng Khua Knŭk kna mñă kơ dŭm phŭn, dhar bruă, alŭ wăl mđing tal êlâo, kñăm nao klă hŏng boh sĭt klei ksiêm dlăng hră mơar hdră bhiăn lăn čar. Hlăm anăn, mđing kơ klei wĭt lač mơ̆ng mnuih ƀuôn sang, knơ̆ng bruă, phung tŭ klei hmăi mơ̆ng dŭm hră mơar.