Kơ bruă klam, Anôk bruă kƀĭn ksiêm dlăng, ksiêm dlăng boh sĭt, đru kčĕ kơ klei mlih mrâo êpul bruă leh anăn ngă bruă mơ̆ng Bruă kƀĭn ala, Dhar bruă kƀĭn ala, dŭm anôk bruă hlăm Bruă kƀĭn ala; mđĭ hnơ̆ng jăk čih mkra hdră bhiăn, ksiêm dlăng gưl dlông, bi mklă dŭm bruă yuôm bhăn mơ̆ng lăn čar; mkŏ mjing leh anăn mđing hmư̆ ksiêm dlăng klei mnuih ƀuôn sang čiăng, bi tuôm hŏng phung bi ala kơ mnuih ƀuôn sang, ksiêm dlăng bruă msir mgaih klei akâo phung bi ala kơ mnuih ƀuôn sang leh anăn yang ƀuôn; mlih mrô, tur knơ̆ng mrô, ba yua klei thâo AI, ñŭ kma lu ala čar, bi hgŭm bruă hŏng bruă kƀĭn ala tač êngao; mguôp klei blŭ hŏng dŭm hdră bruă, hdră kčah, hưn mdah hlăm klei dưi gĭt gai mơ̆ng Anôk dlăng bruă Đảng Bruă kƀĭn ala dưi mbha leh anăn hlue ngă bruă klam mkăn kyua gưl mâo klei dưi jao.

Ti anôk bi kƀĭn, Anôk dlăng bruă Đảng Bruă kƀĭn ala bi tŭ ư hŏng hră akâo leh anăn bi mklă mkŏ mjing Anôk bruă ksiêm dlăng thơ̆ng hlăm Bruă Đảng bruă kƀĭn ala; Dhar bruă kƀĭn ala bi tŭ ư hŏng hră hưn mdah leh anăn bi mklă hlăm Hdră mtrŭn mkŏ mjing Anôk bruă mlih mrô hlăm Adŭ bruă kƀĭn ala.