Nao ti knăm anei mâo 793 pô bi ala klă klơ̆ng jing phung mniê êdah êdi, bi ala kơ dŭm gưl phung mniê, dŭm djuê ana, klei đăo, bruă mă hlăm kluôm ala. Klei kƀĭn tal anei tĭng dlăng boh tŭ hdră phung mniê lehanăn hdră mă bruă mơ̆ng Êpul wưng thŭn 2022-2026, tă hdră êlan bruă klam lehanăn hdră msir mơ̆ng Êpul, hdră bruă phung mniê wưng thŭn 2026 – 2031.

Hlăm hdră anei, Klei bi kƀĭn srăng ruah Anôk kriê dlăng bruă phung mniê Việt Nam gưl dlông tal XIV, wưng thŭn 2026 – 2031; Klei kƀĭn ăt mđing bi trông kơ dŭm bruă pŏk ngă hlăm wưng ti anăp, mâo: Lŏ dơ̆ng mlih mrâo mta phŭn, hdră mă bruă mơ̆ng Êpul, nao hgŭm mkŏ mkra Đảng lehanăn anôk bruă kđi čar doh mngač, hơĭt kjăp; Mkŏ mjing êpul phung mniê Việt Nam ênuk mrâo, đru mđĭ kyar dhar kreh lehanăn anak mnuih Việt Nam; Bruă klam phung mniê hlăm hdră mđĭ kyar bruă duh mkra, đru hluê ngă mta kñăm đĭ kyar pral, hơĭt kjăp mơ̆ng ala čar; Ksul mbŭ boh tŭ yuôm gŏ sang Việt Nam “Đĭ kyar, kreh dhar, trei mđao, yâo mơak”./.