Ti hdră anei, 58 gŏ sang kahan ksiêm êdah êdi dưi bi mni, bi ala kơ dŭm êtuh êbâo gŏ sang hlăm kluôm êpul kahan ksiêm yang ƀuôn. Grăp gŏ sang mâo sa klei hdĭp, sa klei yăl dliê mdê mdê, ƀiădah mâo klei msĕ anăn jing klei săn asei, thâo bi đru lehanăn anôk jưh knang hơĭt kjăp čiăng kơ knuă druh, lĭng kahan hgao klei dleh dlan, bi leh jăk bruă klam.

Blŭ hrăm ti knăm anei, Thượng tướng Lê Quốc Hùng, kơiăng khua phŭn bruă kahan ksiêm mñă, hŏng êpul kahan ksiêm yang buôn, gŏ sang jing anôk jưh knang hơĭt kjăp, jing anôk jưh ai tiê klei mĭn čiăng kơ grăp čô lĭng kahan hgao jih klei dleh dlan, krơ̆ng kjăp klei ƀuăn răng mgang kjăp klei êđăp ênang Ala čar. Kơiăng khua phŭn bruă Lê Quốc Hùng ăt čang hmăng grăp gŏ sang Kahan ksiêm lŏ dơ̆ng mđĭ lar knhuah gru, mjuăt bi hriăm čô anak hdĭp jăk, đru mkŏ mkra êpul kahan ksiêm ƀrư̆ hruê ƀrư̆ hơĭt kjăp hlăm ênuk gưl đĭ kyar mrâo mơ̆ng ala čar./.