Mơ̆ng klei ksiêm dlăng hlăm dŭm anôk bruă lĭng kahan msĕ si Trung đoàn 584, Knông kahan răng mgang knông lăn mrô 735, kđông mrô 737 lehanăn hmư̆ klei kiă kriê mơ̆ng Knơ̆ng bruă kahan čar Daklak hâo mdah, Thượng tướng Trương Thiên Tô čih pioh, bi mni dŭm klei awăt kƀah, hlak mblang phŭn agha, lehanăn mâo klei mtă kơ knơ̆ng kiă kriê kahan čar Daklak mkŏ mjing hdră lŏ kơrŭ bruă, mđĭ bi kjăp bruă lĭng kahan hlăm wưng tinăp.

Hlăm anăn mprăp kjăp anôk răng mgang, mâo klei bi mguôp kjăp hŏng mnuih ƀuôn sang čar. Mbĭt anao ksiêm dlăng dŭm alŭ wăl hlăm knông lăn Việt Nam - Campuchia; ksiêm wĭt kiă kriê kjăp ênoh mnuih mă bruă, hô̆ mran, kdrăp mnuih ƀuôn sang yua, mprăp tơdah mâo klei čiăng, ngă bi kjăp bruă bi kdơ̆ng hŏng phung ngă soh, bi kdơ̆ng hŏng klei trah mă kan soh hŏng klei bhiăn (IUU) “hlue ngă hdră êlan 500 hrue mlam” tui duah, kuai ba wĭt klang kleh phung êngiă asei./.