Phŭn đru kčĕ bruă ksiêm dlăng bruă gang mkhư̆ IUU ti Dak Lak
Thứ năm, 10:09, 28/05/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê mbruê 27/5, Anôk bruă kdơ̆ng mblah (Phŭn đru kčĕ bruă lĭng kahan yang ƀuôn Việt Nam) mă bruă hŏng Bruă sang čư̆ êa čar Dak Lak kơ boh tŭ dưn msir klei dleh kpăk hlăm bruă hluê ngă bruă gang mkhư̆ klei trah mă kan hdang soh hdră bhiăn, amâo mâo hưn leh anăn amâo mâo djŏ klei čuăng (IUU) hluê si klei mñă mơ̆ng Dhar bruă Ơrôp (EC).
Êpul ngă bruă čuh yap lĭng kahan knông lăn Dak Lak hluê ngă jăk dŭm bruă klam gang mkhư̆ klei trah mă IUU, čŏng pô bi mguôp hŏng alŭ wăl leh anăn dŭm êpuk ksiêm dlăng kŭm păn trah mă kan, mđĭ hĭn klei gak răng ti êa ksĭ nao mbĭt hŏng răng mgang klei dưi kiă kriê, răng mgang klei êđăp ênang.
Bruă hâo hưn dưi mtrŭt mđĭ, mđĭ klei thâo sang phung pô kŭm păn leh anăn phung trah mă kan kơ boh jhat mơ̆ng klei ngă soh IUU. Êlâo anăn, Êpul ngă bruă ksiêm dlăng leh ti dŭm anôk gak răng, kdrŭn ksĭ kan ti čar Dak Lak. Mta phŭn ksiêm dlăng kñăm kơ klei bi mguôp kiă kriê kŭm păn trah mă kan, bi mrâo klei čih hưn đuê̆ mơ̆ng kdrŭn ksĭ , ƀuah mkra klei ngă soh IUU leh anăn bi êran dŭm kdrăp đru kơ klei ksiêm dlăng, tui duah phŭn agha kan hdang.
Viết bình luận