Hlăm wưng păn bruă êgao, Êpul bruă phung mniê dŭm gưl čŏng pô bi mlih mta phŭn, hdră ngă bruă, dưi bi êdah hŏng dŭm bruă bi lông ktưn msĕ si “Mkŏ mjing phung mniê Việt Nam hlăm ênuk mrâo”, klei mtrŭt mjhar “Mkŏ mjing gŏ sang 5 amâo mâo 3 doh”, dŭm bruă đru kơ phung mniê bi hrŏ ƀun, mđĭ kyar bruă duh mkra dưi hluê ngă kluôm, đru kơ êbeh 200 êbâo gŏ sang mâo phung mniê tlaih ƀun, 118 êbâo čô mniê dưi đru čô̆ kơ bruă leh anăn mkŏ mjing mrao êbeh 700 êpul hgŭm bruă mâo phung mniê kiă kriê…Klei kƀĭn prŏng ruah leh Êpul khua bruă phung mniê gưl dlông Việt Nam gưl 14 mâo 111 čô. Aduôn Lê Thị Thủy lŏ djŏ ruah ngă Khua êpul bruă phung mniê Việt Nam wưng păn bruă mrâo.

Blŭ hrăm gĭt gai klei kƀĭn, Khua Bruă Kbĭn ala Trần Thanh Mẫn mñă klă, hlăm hƀuê ênuk djuê ana, phung mniê Việt Nam mñă klă bruă klam yuôm bhăn hlăm jih jang bruă hlăm klei hdĭp. Khua Bruă Kbĭn ala Trần Thanh Mẫn đăo knang, hŏng knhuah gru jăk siam, ai tiê khăp kơ lăn čar, klei săn asei, ai tiê thâo khăp, klei mbruă leh anăn klei mĭn kpưn đĭ, phung mniê Việt Nam srăng lŏ dơ̆ng mâo lu klei đru mguôp yuôm bhăn kơ klei đĭ kyar pral leh anăn hơĭt kjăp mơ̆ng lăn čar hlăm ênuk mrâo, năng hŏng 8 boh hră êa mah mâo Awa Hồ mđup brei kơ phung mniê Việt Nam “Jhŏng ktang - amâo kdŭn - siă suôr - thâo mbruă”