Blŭ hrăm klah čŭn, Khua gĭt gai Tô Lâm mñă 6 bruă čuăn phŭn mđing hlue ngă, hlăm anăn mghaih msir bi jih dŭm bruă dôk ka leh, dŭm klei gun kpăk, brei jih jang dŭm anôk bruă bi mâo klei đua klam jih hnơ̆ng boh tŭ bruă knuă. Ñu mtă, mđĭ hĭn bruă hră mơar, mjing atur kơ klei yua mbĭt, mjing klei tŭ dưn kơ dŭm anôk bruă, êpul êya lehanăn mnuih ƀuôn sang, phung duh mkra mkŏ mjing sa anôk mkăp pioh hră mơar, đru mtrŭt mđĭ klei duh mkra mrô, pioh kơ klei mđĭ kyar duh mkra kluôm.

Khua gĭt gai Tô Lâm mđing lŏ mtă, brei rơ̆ng kjăp klei êđăp ênang hlăm hla pŏk, êđăp ênang klei hâo hưn, lehanăn răng mgang kjăp hră mơar lăn čar, kyuadah boh sĭt brei ƀuh, klei bi mlih mrô knư̆ mâo klei mđĭ kyar snăn hnơ̆ng amâo mâo êđăp ênang knư̆ prŏng, ênưih êdah klei hâo hưn, ênưih êdah hră mơar, mâo klei duah ñu kma hlăm hla pŏk, mâo klei ngâ̆ soh hlăm hla pŏk, mâo klei hâo hư̆n mgưt, klei jhat knư̆ hĭn srăng đĭ. Ñu bi êdah dŭm klei bi mklă tŭ jing hlăm wưng ară anei, jing klei bhiăn mă bruă, hŏng ai tiê jhŏng mĭn jhŏng ngă, jhŏng đua klam, mâo klei bi hmô jăk mơ̆ng pô djă akŏ./.