Mơ̆ng hruê 5/6 truh kơ ară anei, êpul lĭng kahan čar Quảng Ngãi klei leh lu êlan suang dlăng alŭ wăl msat lĭng kahan ƀuôn hgŭm Đăk Cấm leh anăn ktuê êlan Trường Chinh čiăng duah klang kleh lĭng kahan êngiă asei. Êpul êya ngă bruă tiŏ nao 3 êdeh kčah, êdeh mdiăng, 3 măi rađar hluh lăn mbĭt hŏng lu kdrăp yua đru kơ klei tui duah.

Aguah hruê 29/6, êpul êya ngă bruă dưi hmao ƀuh, klei mă 1 klang lĭng kahan êngiă asei leh anăn ba wĭt ti sang djă pioh čiăng kkuh mpŭ leh anăn myơr brui mgưi. Klă anăp nao ti anôk ngă bruă, Thượng tướng Lê Quang Minh mñă kơ êpul êya ngă bruă lŏ dơ̆ng ksiêm dlăng, tui duah hŏng klei kreh knhâo, amâo mâo sa mta gru knăl leh anăn rơ̆ng klei êđăp ênang kơ knuă druh, lĭng kahan hlăm klei tui duah.