Khua bruă Đảng čar Daklak čih pioh, lehanăn bi myuôm dŭm klei đru mguôp leh prŏng prĭn mơ̆ng sang mđung asăp blŭ (VOV) lehanăn dŭm anôk bruă bi ala klei mrâo ti lăn dap kngư hŏng bruă mkŏ mjing Đảng, mkŏ mjing bruă kđi čar, lehanăn mđĭ kyar klei duh mkra ala ƀuôn hlăm čar Daklak wưng êgao. Ñu lač, dŭm hdră hâo hưn klei čih mơ̆ng VOV lač leh kơ dŭm klei duh mkra ala ƀuôn, kơ klei hdĭp mda mnuih ƀuôn sang djăp djuê ana hlăm čar. Mđrăm mbĭt hŏng bruă rŭ mdơ̆ng Đảng, mkŏ mjing bruă kđi čarlehanăn hlăm bruă kiă kriê gĭt gai.

Hŏng klei găl mơ̆ng hdră mđung asăp VOV ba leh dŭm hdră êlan mơ̆ng Đảng lehanăn knŭk kna truh giăm hĭn hŏng mnuih ƀuôn sang krĭng taih kbưi, krĭng mnuih djuê ƀiă, đru bi kjăp klei thâo bi mguôp jih jang mnuih ƀuôn sang, păn kjăp bruă kđi čar – yang ƀuôn hlăm alŭ wăl. Khua bruă Đảng čar Daklak čang hmăng VOV lŏ dơ̆ng mđĭ hĭn klei ktang, klei dưi hlăm klei hâo hưn, ba klei čang hmăng mơ̆ng mnuih ƀuôn sang đĭ lar wăt hlăm hdră bi hmô, klei mă bruă tŭ jing, lehanăn mđrăm mbĭt hŏng alŭ wăl ktuê êlan mđĭ kyar./.