Klei bi lông hră klei mrâo čar Dak Lak tal anei mâo 115 klei bi lông hlăm 5 mta hră klei mrâo kđăm, hră klei mrâo điện tử, mđung asăp, mđung rup leh anăn rup hră klei mrâo hlăm klei bi lông tuôr knhal tuč. Anôk mkŏ mjing ruah leh 61  klei pah mni, mâo 4 klei pah mni A, 8 klei pah mni B, 20 klei pah mni C leh anăn 29 klei pah mni mđĭ ai.

Hlue si Anôk bruă mkŏ mjing, dŭm klei bi lông thŭn anei păn kjăp boh sĭt, lar bra ênoh yuôm, ƀuh gru hmô jăk, hdră ngă mbruă; mbĭt anăn đru bi kdơ̆ng hŏng klei amâo jăk, răng mgang tur knơ̆ng klei mĭn Đảng. Boh nik, leh bi mŭt, boh phŭn klei čih pŏk mlar, lač kơ klei hdĭp mda boh sĭt mơ̆ng krĭng dap kngư truh kơ ktuê hang ksĭ. Hlăm ênoh dŭm anôk bruă bi lông mâo klei pah mni thŭn anei, Anôk bruă dôk jưh ti Lăn Dap Kngư - Sang mđung asăp blŭ Việt Nam mâo 6 klei pah mni, mâo 1 klei pah mni A, 1 klei pah mni B, 2 klei pah mni C leh anăn 2 klei pah mni mđĭ ai.