Hlăm klei bi kƀĭn tal 2, Êpul gơ̆ng bruă ƀuôn sang čar Dak Lak gưl XI, wưng 2026-2031 mkŏ mjing leh bruă mnuih mă bruă hlăm klei dưi, ruah mbŏ K’iăng  Khua Knơ̆ng bruă sang čư̆ êa čar leh anăn Khua hlăm Knơ̆ng bruă sang čư̆ êa čar, mbĭt anăn ksiêm dlăng  brei mdei bruă sa čô khua hlăm Knơ̆ng bruă sang čư̆  êa čar knăm bi leh êpul khua gĭt gai mơ̆ng Knơ̆ng bruă sang čư̆ êa čar. Êpul gơ̆ng bruă ƀuôn sang čar Dak Lak bi mklă ruah Y Nhuân Byă,  Khua hlăm bruă Đảng čar, K'iăng Khua Anôk bruă mkŏ mjing bruă Đảng čar ngă K'iăng Khua Knơ̆ng bruă sang čư̆ êa čar Dak Lak gưl XI, wưng 2026-2031.

Ruah Hồ Quang Đệ, khua hlăm bruă Đảng čar, Khua Knơ̆ng bruă rŭ mdơ̆ng ngă Khua hlăm Knơ̆ng bruă sang čư̆ êa čar Dak Lak gưl Xi, wưng 2026-2031. Êpul gơ̆ng bruă ƀuôn sang čar Dak Lak ăt bi mklă hdră mtrŭn bi mklă boh tŭ brei mdei bruă khua hlăm Knơ̆ng bruă sang čư̆ êa čar gưl XI, wưng 2026-2031 hŏng Trần Văn Tân, Khua hđăp Knơ̆ng bruă Ngăn prăk, kyua mâo jao nao ngă bruă mkăn. Bruă bi leh jih jang anăn phung khua gĭt gai Knơ̆ng bruă sang čư̆ êa čar čar Dak Lak dưi hlue ngă hlue si klei kčah mtrŭn hdră bhiăn, ngă djŏ klei čiăng dăp, bi leh êpul bruă leh hlue ngă klei bi mklă kơ bruă knuă druh, mbĭt anăn rơ̆ng mđĭ klei tŭ dưn, boh tŭ kriê dlăng, gĭt gai mơ̆ng bruă sang čư̆ êa alŭ wăl hlăm wưng mrâo.