VOV4.Êđê- Thŭn 2024 bruă sang čư̆ êa dŭm čar Lăn Dap Kngư bi mklă jing thŭn êdah êdi, hlue ngă lu bruă klam yuôm bhăn mđĭ kyar bruă duh mkra - ala ƀuôn, jing yuôm bhăn hlăm klei hlue ngă Hdră mtrŭn Klei bi kƀĭn bruă Đảng dŭm čar, hlăm anăn êdah êdi jing bruă pŏk ngă hrăm mbĭt hdră msir hlăm Hdră kñăm ala čar mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng wưng I mơ̆ng thŭn 2021 truh thŭn 2025, leh anăn mâo lu klei tŭ dưn yuôm bhăn, klei hdĭp mda ai tiê leh anăn mnơ̆ng dhơ̆ng mnuih ƀuôn sang lăn Dap Kngư dưi mđĭ, bruă bi hrŏ ƀun dưi mđĭ lar.

VOV4.Êđê- Hlăm dŭm thŭn giăm anei, bruă mđĭ kyar Đảng hlăm êpul bruă duh mkra êngao knŭk kna ti čar Dak Lak mâo klei bi mlih jăk. Grăp thŭn, dŭm êpul brua Đảng hlăm anôk bruă duh mkra bi mŭt leh djăp hnơ̆ng kčah leh anăn êbeh hnơ̆ng kčah. Boh tŭ anei đru hlăm bruă mkŏ mjing anôk bruă duh mkra ƀrư̆ hruê ƀrư̆ hơĭt kjăp, mbĭt anăn bi mklă klei yuôm bhăn mơ̆ng Đảng hlăm dŭm anôk bruă duh mkra êngao knŭk kna.

VOV4.Êđê- Khua gĭt gai Đảng mñă, phung hriăm lu jing êpul bi ala kơ klei thâo mơ̆ng mnuih ƀuôn sang lehanăn djuê ana, jing sa hlăm dŭm boh kdrŭt yuôm bhăn ba wĭt boh tŭ êdah êdi lehanăn klei đĭ kyar mơ̆ng ala čar.

VOV4.Êđê- Ti ƀuôn prŏng Huế, čar Thừa Thiên Huế mkŏ mjing leh knăm hưn mdah hdră mtrŭn mơ̆ng anôk bruă kƀĭn ala, kơ klei mkŏ mjing ƀuôn prŏng Huế dôk hlăm gưl dlông, lehanăn bi êdah hdră mtrŭn mơ̆ng Dhar bruă gĭt gai bruă kƀĭn ala kơ bruă dăp wĭt êpul êya gưl kdriêk, să hlăm ƀuôn prŏng Huế wưng thŭn 2023-2025.

VOV4.Êđê- Khua gĭt gai Đảng Tô Lâm bi êdah klei hdơr knga amâo mâo knhal leh anăn klei mpŭ hŏng khua gĭt gai Hồ Chí Minh, khua gĭt gai mơ̆ng Đảng leh anăn mnuih ƀuôn sang drei, pô jhŏng ktang sua wĭt klei êngiê djuê ana.

VOV4.Êđê- Ară anei, dŭm anôk bruă ngă bruă dôk mjêč tiŏ nao mnuih mă bruă, êdeh êdâo, masin čiăng mkra êlan ƀăng mur Phượng Hoàng ti êlan dơ̆ng pral Khánh Hoà – Ƀuôn Ama Thuôt.

VOV4.Êđê- Mĭn tĭng êpul mă bruă Knŭk kna srăng dưi bi hrŏ mơ̆ng 30 adôk 21 anôk phŭn mâo: 13 Phŭn bruă, 4 anôk bruă bi knar hŏng phŭn bruă leh anăn 4 anôk bruă hlăm Knŭk kna.

VOV4.Êđê- Kyua mâo klei gĭt gai, ktrâo lač mơ̆ng Êpul khua bruă Đảng čar Kon Tum, Êpul khua bruă Đảng kdriêk Đăk Glei leh anăn klei nao hgŭm mơ̆ng bruă đảng alŭ wăl, kyuanăn dua să ƀun hĭn ti čar Kon Tum, să Mường Hoong leh anăn să Ngọc Linh, kdriêk Đăk Glei, čar Kon Tum dưi mâo klei kpưn đĭ. Hnơ̆ng gŏ sang ƀun hrŏ êbeh 10% hlăm sa thŭn, êbeh 10 blư̆ hŏng hnơ̆ng hrŏ ƀun kah knar hlăm lăn čar.

VOV4.Êđê- Anôk ksiêm dlăng bruă mkra mjing lehanăn klei čhĭ mnia, hlăm phŭn bruă lŏ hma mrâo mâo leh hră mơĭt kơ knơ̆ng bruă lŏ hma čar Daklak brei mâo klei hâo hưn ênŭm kơ klei anei.

VOV4.Êđê- Khua bruă kƀĭn ala Trần Thanh Mẫn mă leh bruă hŏng êpul khua kiă kriê bruă Đảng čar Hà Tĩnh kơ boh tŭ dưn hlue ngă hdră mtrŭn klei bi kƀĭn prŏng Đảng kluôm ala gưl 13, hdră mtrŭn klei bi kƀĭn prŏng Đảng čar tal 19, wưng păn bruă 2020 – 2025