Hlăm klei bi kƀĭn aguah, Bruă kƀĭn ala bi trông kơ hdră bhiăn mnia mblei sang lăn (lŏ mlih mrâo) leh anăn Hdră bhiăn ngă phŭn mil pô ti gưl ƀuôn sang (lŏ mlih mrâo). Khua phŭn bruă rŭ mdơ̆ng leh anăn Khua phŭn bruă kriê dlăng bruă knuă srăng hlak mblang, bi mklă dŭm boh klei phung bi ala lač.

Tlam, Bruă kƀĭn ala bi trông kơ boh tŭ hluê ngă hdră kčah mđĭ kyar bruă duh mkra - ala ƀuôn thŭn 2026, mĭn tĭng hdră kčah thŭn 2027; boh sĭt hluê ngă ngăn prăk knŭk kna, hdră kčah duh bi liê knŭk kna thŭn 2026 leh anăn hdră kah mbha ngăn prăk gưl dlông, hdră kčah duh bi liê knŭk kna thŭn 2027. Bruă kƀĭn ala ăt ksiêm dlăng tĭng mkă ngăn prăk knŭk kna thŭn 2025, bruă ksiêm wĭt hluê ngă Hdră mtrŭn mrô 66 thŭn 2013 leh anăn mjưh ruê̆ klei duh bi liê mkŏ mkra hdră êlan Hồ Chí Minh hnơ̆ng dua êlan êdeh.