Mphŭn pŏk hruê 19/8/2025, leh êbeh sa thŭn pŏk ngă, hdră bruă dưi bi leh, đru mđĭ klei dưi ba yua mơ̆ng tač êdeh phiơr, mkăp djŏ hŏng klei čiăng tŭ drông dŭm mta êdeh phiơr mrâo mrang, mđĭ hĭn klei mkŏ Gia Lai hŏng dŭm anôk bruă duh mkra, hiu čhưn ênguê hlăm ala čar lehanăn ala tač êngao.

Nao leh anăn blŭ hrăm ti knăm anei, K'iăng khua knŭk kna Hồ Quốc Dũng bi mni kơ klei gĭr mơ̆ng alŭ wăl leh anăn dŭm anôk bruă djŏ tuôm; mbĭt anăn mñă klă, Tač êdeh phiơr Phù Cát mbĭt hŏng tač êdeh phiơr Pleiku jing tur knơ̆ng yuôm bhăn čiăng iêô jak klei duh bi liê, mtrŭt mđĭ kyar bruă duh mkra, hiu čhưn ênguê krĭng Lăn Dăp Kngư. K'iăng khua knŭk kna mtă kơ čar Gia Lai bi hgŭm hŏng dŭm phŭn, dhar bruă rơ̆ng kơ tač êdeh phiơr ngă bruă êđăp ênang, mđrăm mbĭt; pral pŏk mlar dŭm êlan phiơr, ba yua tŭ dưn klei găl mkŏ êa ksĭ, dliê leh anăn krĭng dap kngư.