Ti Wăl msat lĭng kahan djiê êngiă Ninh Thuận, să Xuân Hải, čar Khánh Hòa, phung bi ala mpŭ myơr mnga, čuh brui mngưi bi hdơr kơ phung săn leh asei kyua klei êngiê, hnŭk êngiê mơ̆ng Ala čar. Leh knăm čang ênuh leh anăn mmông mpŭ, 25 klang kleh lĭng kahan djiê êngiă dưi dơr hluê si klei bhiăn yuôm bhăn. Mơ̆ng leh pŏk ngă hdră bruă "500 hruê mlam mtrŭt mđĭ hluê ngă bruă tui duah, bi kƀĭn leh anăn bi klă anăn klang kleh lĭng kahan djiê êngiă", čar Khánh Hòa dưi bi kƀĭn leh 84 klang kleh lĭng kahan djiê êngiă.

Boh tŭ dưn anei mâo klei bi mguôp plah wah êpul lĭng kahan, dŭm anôk bruă djŏ tuôm, bruă sang čư̆ êa alŭ wăl leh anăn mnuih ƀuôn sang hlăm klei mkăp brei klei hâo hưn, pô hưn mdah, gru kruăk klei bi blah, mkăp kơ bruă bi mklă anôk mâo klang kleh lĭng kahan djiê êngiă. Čar Khánh Hòa lŏ dơ̆ng mtrŭt mđĭ bruă tui duah, bi kƀĭn leh anăn bi mklă anăn klang kleh lĭng kahan djiê êngiă, gĭr ba phung djiê êngiă adôk dôk ti anôk bi blah đưm wĭt dôk êđăp ênang, mkăp djŏ hŏng klei čang hmăng mơ̆ng găp djuê leh anăn gŏ sang phung lĭng kahan djiê êngiă.