Việt Nam jing ala čar mkŏ mjing tŭ dưn thŭn APEC hlăm dŭm thŭn 2006 leh anăn 2017. Thŭn APEC 2027 jing sa hlăm dŭm mta bruă hŏng tač êngao yuôm bhăn mrô 1 mơ̆ng Việt Nam mơ̆ng ară anei truh thŭn 2030, čiăng mâo klei mprăp kluôm dhuôm, mbruă, hrăm mbĭt ti hnơ̆ng kldưn hĭn.

Truh kơ ară anei, lu bruă klam phŭn dưi bi leh djŏ hŏng hdră kčah. Hlăm klei bi kƀĭn, Khua Knŭk kna Lê Minh Hưng mñă kơ bruă mprăp srăng mâo hdră kčah klă klơ̆ng, klă mngač. Djŏ tuôm hŏng bruă hâo hưn, dhar kreh đru bruă 2027, Khua Knŭk kna mñă kơ êpul bruă hâo hưn, dhar kreh kñăm bi kluôm dŭm mta bruă, boh nik jing bruă đru dŭm mta bruă mơ̆ng êpul bi ala gưl dlông Việt Nam nao9hlăm Hruê knăm gưl dlông APEC 2026 ti China leh anăn bruă tŭ mă bruă klam ala čar mkŏ mjing kơ thŭn khua gĭt gai APEC 2027.