Hluê si klei hưn, truh kơ ară anei, kluôm hnư hrui wĭt prăk Knŭk kna mơ̆ng 6 ƀuôn hgŭm mâo giăm 3.900 êklai prăk. Hlăm anăn ƀuôn prŏng Tân Lập, Tân An leh anăn Ea Kao êgao leh hdră tĭng mkă hnư hrui wĭt kluôm thŭn. Ƀiădah, klei brei čan duh bi liê bruă Knŭk kna ăt adôk ti hnơ̆ng ƀiă. Hŏng hdra kčah 570 êklai prăk, dŭm ƀuôn hgŭm knŏng mrâo brei čan mâo 42 êklai prăk, mâo 7,42%.

Khua gĭt gai dŭm alŭ wăl lač leh giăm 70 mta phŭn kpăk gun čiăng ruh mgaih, hlăm anăn mâo klei dleh dlan  kơ keh lăn anôk dôk mrâo leh anăn ruh mgaih anôk ala. Khua Bruă sang čư̆ êa čar Dak Lak Đỗ Hữu Huy  mñă kơ dŭm ƀuôn hgŭm mkŏ mjing hdră êlan klă klơ̆ng hluê si grăp hdră, bi klă bruă klam mơ̆ng grăp čô, mmông bi leh hdră leh anăn nao mbĭt boh tŭ hluê ngă hŏng bi klă bruă klam.