Hlăm mmông drông, Khua knŭk kna lač jăk kơ WEF leh anăn dŭm ƀĭng hgŭm hrăm mbĭt hŏng Việt Nam, đru mkŏ mjing klei bi kƀĭn jing anôk bi trông, bi mguôp plah wah knŭk kna, anôk bruă duh mkra leh anăn êpul êya kreh knhâo. Khua knŭk kna bi mklă dŭm bruă bi trông hdră êlan, kah mbha klei hriăm leh anăn hưn mdah kdrăp mrâo pŏk leh lu klei găl bi hgŭm, tui duah boh kdrŭt đĭ kyar mrâo.

Ayŏng Stephan Mergenthaler bi mni kơ klei thâo săng mđĭ kyar sui thŭn mơ̆ng Việt Nam, boh nik hdră tă mđĭ kyar hluê si klei kreh knhâo, kdrăp mrâo, mlih mrâo mbruă leh anăn bruă duh mkra êngao knŭk kna; mbĭt anăn bi mklă WEF čang hmăng mđĭ klei bi hgŭm hŏng Việt Nam. Mđing truh kơ Thŭn APEC 2027 mâo Việt Nam ngă anôk mkŏ, WEF mprăp bi hgŭm hlăm gưl dlông, mkŏ phung duh mkra leh anăn dŭm ƀĭng hgŭm tar rŏng lăn. Khua knŭk kna mtă kơ WEF đru ba jao kdrăp mrâo, kah mbha klei thâo, iêô jak klei duh bi liê leh anăn pral mkŏ mjing klei bhiăn bi hgŭm hdră êlan kơ wưng kơ anăp.