Sa hlăm dŭm mta phŭn mơ̆ng hră čih Hdră mtrŭn jing lŏ dơ̆ng bi ênưih hdră ngă hră mơar, mđĭ klei klă mngač, mtrŭt mđĭ bruă ba yua kdrăp hâo hưn leh anăn mlih mrô hlăm bruă klei đăo, hluê anăn rơ̆ng ƀrư̆ hruê ƀrư̆ jăk hĭn klei dưi êngiê klei đăo.

Hlăm hdră mkŏ mjing, dŭm klei bhiăn dưi ksiêm dlăng, bi mklă kñăm rơ̆ng djŏ hŏng dŭm hnơ̆ng čuăn kơ klei dưi anak mnuih dưi čih hlăm Klei hưn mthâo tar rŏng lăn kơ klei dưi anak mnuih thŭn 1948 leh anăn Klei kuôl kă tar rŏng lăn kơ dŭm klei dưi djuê ana leh anăn bruă kđi čar thŭn 1966 Việt Nam jing ƀĭng hgŭm; mbĭt anăn rơ̆ng klei dưi anak mnuih, klei dưi mnuih ƀuôn sang leh anăn mđĭ hnơ̆ng tŭ jăk hdră kriê dlăng mơ̆ng knŭk kna.