VOV4.Êđê- Hruê 12/8, Khua knŭk kna Phạm Minh Chính mă leh bruă hŏng Anôk kriê dlăng Msat khua gĭt gai Hồ Chí Minh kơ boh tŭ hluê ngă bruă klam 6 mlan akŏ thŭn 2024 lehanăn hdră mkra mđĭ Msat Khua gĭt gai Hồ Chí Minh thŭn 2024.

VOV4.Êđê- Aguah mbruê (12/8), Khua knŭk kna Phạm Minh Chính mă bruă hŏng anôk bruă kriê dlăng Msat Khua gĭt gai Hồ Chí Minh kơ boh tŭ hlue ngă bruă klam 6 mlan akŏ thŭn 2024 leh anăn bruă mkra mđĭ grăp gưl hdră bruă Msat Khua gĭt gai Hồ Chí Minh thŭn 2024.

VOV4.Êđê- Aguah mbruê, Khua gĭt gai Tô Lâm drông leh phung bi ala mơ̆ng argentina, Algeria, Alelang, Dưr Korea leh anăn Sweden hriê ba mdah hră ala čar kčưm wưng păn bruă ti Việt Nam.

VOV4.Êđê- Aguah mbruê 12/8, ti sang Bruă Kƀĭn Ala, ti gŭ klei gĭt gai mơ̆ng Khua bruă kƀĭn ala Trần Thanh Mẫn, Dhar bruă kƀĭn ala mkŏ mjing klei kƀĭn kơ hdră bhiăn mlan 8, brei klei blŭ mguôp kơ 10 hdră bhiăn

VOV4.Êđê- Ti ƀuôn prŏng Hồ Chí Minh, Khua knŭk kna Phạm Minh Chính, Khua Êpul gơ̆ng gĭt gai krĭng Ngŏ kwar Dhŭng gĭt gai Klei bi kƀĭn tal Pă mơ̆ng Êpul gơ̆ng čiăng ksiêm dlăng hlue ngă dŭm boh phŭn kčah hlăm Klei bi kƀĭn tal 3 leh anăn pŏk ngă Hdră kčah krĭng Ngŏ kwar Dhŭng wưng 2021-2030, hnơ̆ng trah dlăng truh thŭn 2050.

VOV4.Êđê- Hruê 11/8, ƀri gưl nao mă bruă ti Russia, Đại tướng Phan Văn Giang, Khua phŭn bruă lĭng kahan leh anăn êpul bi ala Phŭn bruă lĭng kahan Việt Nam nao myơr mnga ti Knưl Khua gĭt gai Hồ Chí Minh ti ƀuôn prŏng phŭn Moscow; nao čhưn ti Anôk bruă bi ala Việt Nam ti Russia.

VOV4.Êđê- Hlăm wưng hjan lu hĭn, dŭm pluh gŏ sang ti să Quảng Sơn, kdriêk Dak Glŏng, čar Dak Nông dôk hdĭp hlăm klei hŭi hyưt êjai knơ̆ng kdơ̆ng êa mâo ênoh 137 êklai prăk Dak N’ting amâo mâo thâo mmông srăng klưh rai. Knơ̆ng kdơ̆ng êa anei tuôm mâo klei ksăk dlưh hlăk yan hjan thŭn dih, ƀiădah mgaih msir êmưt, ngă truh klei hjat rai kjham hĭn leh anăn arưp aram mâo nanao

VOV4.Êđê- Djŏ tuôm hŏng klei dŭm êbâo drei êmô mă êa ksâo ruă leh anăn djiê. Tlam mbruê 9/8, bruă sang čư êa čar Lâm Đồng mâo hră mtrŭn mjêč mñă kơ Knơ̆ng bruă lŏ hma leh anăn mđĭ kyar krĭng ƀuôn sang, bruă sang čư êa dŭm kdriêk, ƀuôn prŏng hlăm čar tĭo nao phung mdrao kơ mnơ̆ng rông kơ dŭm kdriêk mâo klei ruă, kñăm hluê ngă dŭm hdră êlan gang mkhư̆ klei ruă tian hlăm êmô.

VOV4.Êđê- Tlam mbruê, Khua gĭt gai Đảng, Khua lăn čar Tô Lâm ba anăp êpul bi ala gưl dlông nao čuă leh anăn gĭt gai mmông mă bruă hŏng Êpul khua Đảng ƀuôn prŏng Hà Nội

VOV4.Êđê- Hŏng mta kñăm hmao mâo klei hưn čiăng duah hdră êlan ruh mgaih klei dleh dlan kơ knơ̆ng bruă, tlam mbruê 9/8, khua gĭt gai čar Kon Tum mâo leh mmông mă bruă hŏng phung bi ala lu knơ̆ng bruă mkra mjing, mnia mblei ti alŭ wăl čar.