VOV4.Êđê- Khua knŭk kna Phạm Minh Chính mrâo nao ksiêm dlăng, mtrŭt mhar hluê ngă hdră mkra êlan klei pui 500kV 3 aruăt klei pui Quảng Trạch – Phố Nối găn čar Nghệ An.

VOV4.Êđê- Aguah mbruê 24/6, Ti knưng bi hdơr klei mblah dưi Đăk Pơ(să An Thành, kdriêk Đăk Pơ), bruă Đảng čar, Êpul gơ̆ng bruă ƀuôn sang, bruă sang čư êa, dhar bruă mặt trận čar Gia Lai mkŏ mjing knăm bi hdơr 70 thŭn hruê mblah dưi Đăk Pơ.

VOV4.Êđê- Aguah 24/6, bi trông ti Sang bi kƀĭn kơ Klei čih mkra Hdră bhiăn gang mkhư̆, bi kdơ̆ng hŏng klei tlĕ čhĭ mnuih (mkra mlih), lu phung bi ala Anôk bruă kƀĭn ala tŭ ư hŏng bruă mkra mlih kluôm hŏng Hdră bhiăn gang mkhư̆, bi kdơ̆ng hŏng klei tlĕ čhĭ mnuih mbĭt anăn thiăm mbŏ dŭm mta mrâo jing tlĕ čhĭ hđeh điêt, anak ĭ hlăm klei čih mkra hdră bhiăn anei.

VOV4.Êđê- Hruê 24/6, Nguyễn Trọng Nghĩa, Khua hlăm Phŭn bruă kđi čar, Khua hlăm Anôk kriê dlăng bruă Đảng gưl dlông, Khua anôk bruă kiă kriê klei hâo hưn gưl dlông gĭt gai Klei bi kbƀĭn hưn mthâo boh tŭ ksiêm dlăng hdră răng mgang klei êđăp ênang bruă kđi čar hŏng Anôk kriê dlăng bruă Đảng čar Daklak.

VOV4.Êđê- Hdơr klei Awa Hồ mtă, lu phung êdam êra ba anăp ti Dak Lak gĭr găn jih klei dleh dlan čiăng mđĭ kyar bruă duh mkra, kpưn đĭ kơ mdrŏng djŏ klă. Diñu ăt jing phung gĭr hgŭm hlăm bruă ngă kyua klei khăp ƀĭng kahan, đru kơ phung mâo klei hdĭp dleh dlan mâo klei găl gĭr ktưn.

VOV4.Êđê- Aguah mbrue 24/6, Khua knŭk kna Phạm Minh Chính mbĭt hŏng êpul khua êmua gưl dlông Việt Nam nao leh ti anôk bi kƀĭn lên WEF (bruă duh mkra tar rŏng lăn) tai ƀuôn prŏng Đại Liên, ala čar China mơ̆ng hrue 25 - 27/6/2024.

VOV4.Êđê- Aguah mbrue 23/6, ti ƀuôn prŏng Đà Lạt, K’iăng khua knŭk kna Trần Lưu Quang nao leh ti anôk bi kƀĭn bruă čuăl mkă čar Lâm Đồng wưng thŭn 2021-2030, tă hdră truh thŭn 2050.

VOV4.Êđê- Hŏng hdră êlan amâo mâo lui sa čô hđeh amâo mâo dưi nao truh kơ anôk bi lông ôh kyua klei hdĭp dleh dlan, bruă sang čư̆ êa 10 kdriêk, ƀuôn prŏng mbĭt hŏng anôk bruă sang hră mơar čar Kon Tum bi liê leh giăm 580 êklăk prăk.

VOV4.Êđê- Hruê 24/6, Bruă kƀĭn ala mŭt hlăm hruê kăm mă bruă knhal tuč klei bi kƀĭn tal 7. Aguah, Bruă kƀĭn ala bi mklă Hdră Bhiăn mkŏ mjing Sang phat kđi yang ƀuôn (Lŏ mlih mrâo); leh anăn bi trông hlăm anôk bi kƀĭn kơ hră čih Hdră bhiăn gang mkhư̆, čhĭ mnuih (mkra mlih).

VOV4.Êđê- Êlan êran pral Khánh Hòa - Ƀuôn Ama Thuôt jing ktuê êlan êran pral tal êlâo dưi pŏk ngă ti lăn dap kngư mkŏ hŏng krĭng êa ksĭ. Hdră anei dưi hluê ngă djŏ wưng, dŭm gưl bruă Đảng, bruă knŭk kna alŭ wăl ti čar Dak Lak pŏk ngă leh jăk, mtô mblang, mtrŭt mjhar, mjing klei sa ai hlăm jih jang mnuih ƀuôn sang. Klei čih “Klei mĭn mơ̆ng Đảng mâo klei sa ai hlăm mnuih ƀuôn sang, djăp ƀuôn sang mnprăp myơr lăn ala pô kơ hdră mkra êlan êran pral” mơ̆ng pô čih klei mrâo Công Bắc hưn lač kơ klei dôk mâo anei ti kdriêk Krông Pač, čar Dak Lak