VOV4.Êđê- Tlam 10/4, ti Anôk bruă Knŭk kna, Khua knŭk kna Phạm Minh Chính drông leh Khua phŭn bruă hŏng tač êngao Cộng hòa liên bang Brazil Mauro Vieira dôk hriê čhưn klă sĭt ti Việt Nam mơ̆ng hruê 09-10/4/2024.

VOV4.Êđê- Hlăm ênuk kdơ̆ng mblah Prăng, boh nik klei bi blah Điện Biên Phủ thŭn 1954, kčŭn čư̆ Lũng Lô jing sa hlăm dŭm ktuê êlan phŭn čiăng kơ lĭng kahan lehanăn mnuih ƀuôn sang drei mdiăng ba phao ktuang, êa drao gŭn mbĭt hŏng mnơ̆ng dhơ̆ng mkăp kơ hdră mblah. Čiăng kơ ktuê êlan anei dưi găn êrô jăk găl, mkăp djŏ hŏng bruă klam, dŭm êpul êya kahan mđing djăp ai dưi, klei mâo, ai ktang jih hruê mlam pŏk lehanăn răng mgang êlan, đru mguôp yuôm bhăn mjing hdră mblah tŭ dưi “Kdrưh k’ăm êma krĭng lăn, kpư̆ mgei boh lăn”. Klei čih hruê anei hưn mthâo kơ wăl knhuah gru hƀuê ênuk anei hŏng dŭm klei bi hdơr kơ hdră mblah Điện Biên Phủ:

VOV4.Êđê Êpul hgŭm bruă duh mkra ala ƀuôn Êpul hgŭm lu ala čar (ECOSOC) bi tŭ ư ruah Việt Nam hlăm Êpul gơ̆ng Kiă kriê anôk bruă Êpul hgŭm lu ala čar kơ Klei mtăp mđơr êkei mniê leh anăn mđup brei klei dưi kơ phung mniê (UN Women) wưng 2025-2027.

VOV4.Êđê Aguah mbrue (10/4), Khua phŭn bruă kiă kriê bruă knuă ala čar Phạm Thị Thanh Trà drông čhưn leh hŏng khua phŭn bruă hŏng tač êngao Vatican Paul Richard Gallagher hlăk mâo gưl hriê čhưn ti Việt Nam.

VOV4.Êđê- Lŏ dơ̆ng hlăm klei hiu čhưn ti ala čar China, aguah mbrue 10/4, Khua bruă kƀĭn ala Vương Đình Huệ nao čuă lehanăn mă leh bruă ti ƀuôn prŏng Thượng Hải.

VOV4.Êđê – Hlăm hdră nao čuă klă klơ̆ng ala čar China, tlam mbruê 9/4, ti ƀuôn prŏng phŭn Bắc Kinh, Khua bruă kƀĭn ala Vương Đình Huệ nao hlăm klei blŭ hrăm “Mlih mrâo knơ̆ng bruă knŭk kna leh anăn kriê dlăng ngăn prăk knŭk kna ti Knơ̆ng bruă Việt Nam – China”.

VOV4.Êđê – Tlam mbruê 9/4, ti Hà Nội, Đại tướng Tô Lâm, Khua hlăm phŭn bruă kđi čar, Khua phŭn bruă kahan ksiêm drông leh pô bi ala mơ̆ng Japon ti Việt Nam Yamada Takio hriê bi tuôm êlâo kơ mjưh ruê̆ wưng păn bruă.

VOV4.Êđê – Hlăm gưl nao čhưn, mă bruă ti čar Tây Ninh, hruê 9/4 mbruê, Khua lăn čar jing êjai Võ Thị Ánh Xuân nao čuă leh Wăl knhuah gru hƀuê ênuk dhar kreh ala čar Kđông knơ̆ng bruă kwar Dhŭng gưl dlông ti să Tân Lộc, kdriêk Tân Biên lehanăn nao čuă Kđông kahan răng mgang knông lăn Xa Mát

VOV4.Êđê - Ti Gia Lai mơ̆ng akŏ thŭn truh kơ ară anei, kreh mâo klei djiê mngăt êa, ngă 13 čô hđeh djiê. Boh sĭt anei brei mâo klei đua klam mơ̆ng gŏ sang lehanăn kluôm yang ƀuôn hlăm bruă răng mgang lehanăn dlăng kriê phung hđeh.

VOV4.Êđê - Aguah mbruê 9/4, hlăm hdră nao čuă klă klơ̆ng ala čar China, Khua bruă kƀĭn ala Vương Đình Huệ bi tuôm leh Vương Hộ Ninh, Khua kiă kriê bruă knŭk kna ala čar China.