VOV4.Êđê- Aguah mbruê (17/6), lŏ dơ̆ng hdră klei bi kƀĭn tal 7, Bruă kƀĭn ala gưl XV, ti gŭ klei gĭt gai mơ̆ng K’iăng Khua bruă kƀĭn ala Nguyễn Đức Hải, Bruă kƀĭn ala bi trông ti anôk bi kƀĭn kơ “hdră êlan bi liê Hdră bruă duh bi liê mkŏ mjing êlan dơ̆ng êran pral Dưr - Dhŭng nah Yŭ, kdrêč găn Gia Nghĩa (Dak Nông) - Chơn Thành (Bình Phước)”.

VOV4.Êđê- Ƀri wưng bi hdơr 99 thŭn hruê klei mrâo cách mạng Việt Nam, aguah mbruê 17/6, Khua êpul bruă hâo hưn gưl dlông Nguyễn Trọng Nghĩa nao čuă leh anăn hoêč hmưi Thông tấn xã Việt Nam, Hră klei mrâo Nhân dân leh anăn Hră klei mrâo Cộng sản.

VOV4.Êđê- Msĕ si hmei hưn leh ti klei čih tal êlâo, Lăn dap kngư mâo lu klei găl mâo ƀiădah ăt êmưt đĭ kyar kyua dleh kpăk kơ klei êlan klông. Lŏ dơ̆ng dŭm klei čih “Êlan êran pral mlir krĭng lehanăn klei čang hmăng mđĭ kyar kơ krĭng Lăn dap kngư”, hlăm hdră hruê anei, hmei hưn mthâo kơ klei čiăng mjêč, klei čang hmăng lehanăn boh tŭ yuôm mơ̆ng dŭm ktuê êlan êran pral srăng ba wĭt boh tŭ yuôm kơ dŭm čar hlăm krĭng wăl hluê klei čih “Lăn dap kngư čang hmăng mđĭ kyar pral”.

VOV4.Êđê- Tlam 16/6, Khua hlăm Phŭn bruă kđi čar, Khua knŭk kna Phạm Minh Chính, Khua Dhar bruă ala čar kơ hdră mlih mrô nao leh ti Klei bi kƀĭn hưn mthâo gru hmô bi mlih mrô tŭ dưn gưl Phŭn, dhar bruă mơ̆ng Anôk bruă sang phat kđi.

VOV4.Êđê- Mlam hruê 14/6, ti kdriêk Ia Grai, čar Gia Lai mâo angĭn đrŭng mbĭt hŏng hjan prŏng, ngă kpŏk čuôr 22 boh sang mnuih ƀuôn sang lehanăn ngă luič liê lu ênhă pla boh durian, ksu, kñŭl.

VOV4.Êđê- Knơ̆ng kiă kriê kahan čar Daklak mrâo mkŏ mjing knăm mtrŭt mjhar ngă klei bi ktưn kñăm kkuh mơak klei bi ktưn tơl dưi, wưng thŭn 2019 - 2024 hŏng akŏ jing “30 hrue ngă klei bi hmô – bi ktưn mơ̆ng mâo mă 3 mta kñăm kơ klei dưi”.

VOV4.Êđê- Lăn Dap Kngư - krĭng lăn mâo lu klei găl čiăng mđĭ kyar hiu čhưn ênguê leh anăn bruă lŏ hma hŏng lu mnơ̆ng dhơ̆ng lŏ hma ba čhĭ kơ ala tač êngao msĕ si kphê, ksu, kñŭl, tiu… Khădah snăn, bruă duh mkra ala ƀuôn krĭng Lăn Dap Kngư đĭ kyar êmưt, kyua anôk bruă êlan klông adôk kƀah. Êlan dơ̆ng êran pral mkŏ krĭng leh anăn mlir krĭng dưi čang hmăng jing kliăng ruh mgaih klei dleh dlan kơ Lăn Dap Kngư đĭ kyar. Lač kơ bruă anei, mâo klei čih “Êlan dơ̆ng êran pral mlir krĭng leh anăn klei čang hmăng mđĭ kyar kơ Lăn Dap Kngư”. Akŏ hdră hruê anei, alum kơ ƀĭng găp hmư̆ klei čih tal 1 hŏng akŏ “Lăn Dap Kngư - anôk kpăk dleh anô kơ êlan klông, kpăk đuôm bruă mnia blei”.

VOV4.Êđê- Aguah 14/6, Knơ̆ng bruă sang čư̆ êa čar Dak Lak mkŏ mjing Knăm mđup brei klei pah mni Hră klei mrâo čar Dak Lak thŭn 2023. Êpul gơ̆ng brei klei pah mni Hră klei mrâo čar Dak Lak mđup brei leh kơ 55 klei čih êdah êdi hlăm 5 mta. Anôk bruă sang mđung asăp blŭ Việt Nam ti Lăn Dap Kngư mâo 5 klei pah mni hlăm klei mrâo mđung asăp hlăm anăn mâo 1 klei pah mni mrô 1.

VOV4.Êđê- Knơ̆ng bruă sang čư̆ êa čar Dak Nông mrâo mâo klei gĭt gai anôk bruă djŏ tuôm leh anăn bruă sang čư̆ êa alŭ wăl bi hrŏ klei bi kƀĭn amâo čiăng êdi, kƀĭn ktuê dlăng boh sĭt, mbŏ dŭm hdră msir klei yan adiê ngă hlăm akŏ yan hjan.

VOV4.Êđê- Aguah 14/6, Khua knŭk kna Phạm Minh Chính gĭt gai Klei bi kƀĭn Anôk kriê dlăng dŭm hdră bruă phŭn, hdră êlan klông dŭ mdiăng.