VOV4.Êđê- Aguah 3/5, K’iăng khua Anôk bruă kƀĭn ala Nguyễn Đức Hải bi tuôm leh hŏng mnuih ƀuôn sang ti kdriêk Tiên Phước, čar Quảng Nam.

VOV4.Êđê- Aguah 3/5, ti tač čưng boh ƀuôn prŏng Điện Biên Phủ mkŏ mjing leh Hdră mprăp kơ knăm bi hdơr 70 thŭn Hdră mblah tŭ dưi Điện Biên Phủ.

VOV4.Êđê - Ti gŭ klei gĭt gai mơ̆ng Đảng, leh 9 thŭn bi blah bi kdơ̆ng prŏng Prăng, lĭng kahan leh anăn mnuih ƀuôn sang mâo mă leh klei tŭ dưi hlăm Klei bi blah Điện Biên Phủ (7/5/1954), kruăk knăl sa knhuang kdrưh kơăm hlăm hƀuê ênuk bi blah mkŏ mjing leh anăn răng mgang ala čar mơ̆ng djuê ana. 70 thŭn êgao ƀiădah Klei mblah dưi Điện Biên Phủ ăt yuôm bhăn hlăm klei mđĭ kyar bruă duh mkra, mkŏ mjing, răng mgang čar kwar hruê anei.

VOV4.Êđê- Dhar bruă Kƀĭn ala tiŏ nao Trần Thanh Mẫn, Khua hlăm Phŭn bruă kđi čar, K’iăng khua bruă Kƀĭn ala gĭt gai klei ngă bruă mơ̆ng Dhar bruă Kƀĭn ala leh anăn Bruă Kƀĭn ala.

VOV4.Êđê- Ti krah yan bhang thu krô lehanăn klei kƀah êa dôk mâo kjham, êpul lĭng kahan lehanăn kahan ksiêm 2 čar Gia Lai lehanăn Dak Lak dôk dŭ ba êa truh ti krĭng knông lăn čiăng mkăp kơ mnuih ƀuôn sang. Bruă ngă tŭ yuôm anei đru leh kơ mnuih ƀuôn sang dul ƀiă klei dleh dlan, klei kƀah êa hlăm wưng anei mbĭt anăn đru ksiêk kjăp hĭn klei hgŭm mguôp lĭng kahan – mnuih ƀuôn sang.

VOV4.Êđê- Ti dŭm wăl tuh tia mkra ming hlăm alŭ wăl ƀuôn prŏng Ƀuôn Ama Thuôt, čar Dak Lak, ai êwa bi ktưn ngă bruă duh mkra pla mjing dôk mkŏ mjing hŏng klei mčhĭt m’uăt lehanăn mjêč. Mtrŭt mjhar hdră bi ktưn khăp kơ ala čar, Công đoàn anôk bruă tuh tia mnia mblei čar Dak Lak mtrŭt mjhar leh phung đoàn viên, mnuih mă bruă gĭr mđĭ lar tŭ dưn Hdră bruă 1 êklai klei mĭn mrâo, mtrŭt mđĭ hdră ksiêm hriăm, ba yua kdrăp mrâo, kreh knhâo, mtrŭt mđĭ boh tŭ klei mă bruă.

VOV4.Êđê- Aguah mbruê (2/5), ƀri bi hdơr 110 thŭn hruê kkiêng pô jhŏng ktang Nup (2/5/1914-2/5/2024), khua gĭt gai čar Gia Lai myơr mnga ti anăp Knưl bi hdơr kơ pô jhŏng ktang Nup hlăm jar Sang kriê pioh čar Gia Lai leh anăn nao čuă čhưn hŏng gŏ sang Nup.

VOV4.Êđê- Aguah mbruê (2/5), Anôk dlăng bruă Đảng ƀuôn prŏng Hà Nội mphŭn pŏk klei bi kƀĭn tal 17, bi trông kơ dŭm boh phŭn yuôm bhăn.

VOV4.Êđê- Aguah mbruê 2/5, Bruă Đảng čar Dak Lak mkŏ mjing klei kƀĭn trông ba mdah dŭm klei bi klă mơ̆ng Êpul khua bruă Đảng čar kơ bruă knuă druh.

VOV4.Êđê- Aguah mbruê 2/5, ti Hà Nội, Êpul gơ̆ng hlăk mblang gưl dlông mkŏ mjing klei kƀĭn tal 9, kñăm bi trông, mguôp klei blŭ hlăm klei hưn mdah ksiêm wĭt “Đa đa boh klei hlăk mblang leh anăn boh sĭt găn 50 thŭn lăn čar hluh hlir (1975 – 2025), đru bi kluôm klei hlak mblang kơ hdră kiă kriê yang ƀuôn ngă phŭn leh anăn êlan nao kơ yang ƀuôn ngă phŭn ti Việt Nam”.