VOV4.Êđê - Ƀri ưng akŏ yan mnga mrâo, aguah mbruê 15/2, ti sang bruă Kƀĭn ala, Khua bruă kƀĭn ala Vương Đình Huệ bi tuôm, hơêč hmưi tết phung khua gĭt gai, phung bi ala bruă Kƀĭn ala thơ̆ng kơ bruă ti gưl dlông leh anăn knuă druh, phung mă bruă mơ̆ng adŭ bruă Kƀĭn ala.

VOV4.Êđê - Aguah mbruê 15/2, ti čar Tuyên Quang, Khua lăn čar Võ Văn Thưởng mtrŭt mjhar Knăm pla ana kyâo “Lă lar hdơr kơ khua gĭt gai Hồ Chí Minh” yan mnga Giáp Thìn 2024.

VOV4.Êđê - Găn sa wưng bi blah, lŏ wĭt hŏng klei hdĭp aguah tlam, phung kahan hđăp čar čư̆ čhiăng Yên Bái mâo nanao hlăm pô ai tiê hur har, jhŏng mĭn, jhŏng ngă, jhŏng ktưn hưn hlăm klei hdĭp, kpưn đĭ kơ mdrŏng leh anăn đru mkŏ mjing ƀuôn sang ƀrư̆ mdrŏng sah. Dŭm gru hmô dôk mâo lu phung kahan hđăp hlăm kluôm ala tui hriăm hlue ngă.

VOV4.Êđê-Hrue mbrue 14/2 (hrue 5 Tết Giáp Thìn), ƀăng jang Tân Thanh lehanăn ƀăng jang Hữu Nghị (čar Lạng Sơn) klă klơ̆ng lŏ wĭt mă bruă si aguah tlam leh 4 hrue mdei Tết.

VOV4.Êđê- Aguah mbrue 14/2, Khua bruă Đảng ƀuôn prŏng Hà Nội Đinh Tiến Dũng, Khua knơ̆ng bruă sang čư̆ êa ƀuôn prŏng Hà Nội Trần Sỹ Thanh lehanăn phung khua kiă kriê hlăm ƀuôn prŏng nao čuh leh brui mngưi ti knăm Gò Đống Đa 2024.

VOV4.Êđê- Hruê 14/02, ti ƀuôn prŏng Vũng Tàu, čar Bà Rịa - Vũng Tàu, Anôk bruă kahan êa krĭng 2 hŏng dŭm anôk bruă hlăm kluôm krĭng Long Sơn mkŏ mjing Knăm pŏk ngă “Tết pla ana kyâo hdơr nanao kơ Awa Hồ” klă sĭt kkuh drông, mđing bi hdơr 65 thŭn hruê Khua gĭt gai Hồ Chí Minh pŏk ngă “Tết pla ana kyâo” (1959-2024), hlue ngă hdră pla sa êklai ana kyâo “kyua sa Việt Nam mtah”mơ̆ng Khua knŭk kna pŏk ngă.

VOV4.Êđê- Lăn Dap Kngư jing anôk hdĭp mda mŏng êpul êya yang ƀuôn jing dŭm djuê ân mnuih djuê ƀiă mâo knhuah dhar kreh lu jơr, mdê hjăn. Anei jing krĭng lăn mâo yan adiê êđăp, wăl mnơ̆ng hdĭp lu jơr, mâo knhuah dhar kreh, lu wăl kriê pioh, mnơ̆ng kriê pioh. Dŭm klei anăn mkŏ mjing klei găl prŏng, mdê hjăn čiăng mđĭ kyar dŭm mta bruă hiu čhưn ênguê, êpul êya, wăl mnơ̆ng hdĭp.

VOV4.Êđê- Lăn dap kngư, hŏng knhuah gru Jhŏng ktang, bŏ hŏng klei khăp, mnuih ƀuôn sang dŭm djuê ana sa ai tiê hŏng Đảng, hŏng Awa Hô khăp h’iêng.

VOV4.Êđê- Hgao thŭn 2023 hŏng lu klei dleh dlan, lông dlăng, dŭm čar krĭng Lăn dap kngư dưi mâo leh lu gru mngač hlăm hdră mđĭ kyar bruă duh mkra ala ƀuôn. Anei jing dŭm boh tŭ dưn hlăm hdră duh mkra pla mjing ngă lŏ hma hŏng dŭm mta mnơ̆ng pla phŭn msĕ si kphê, tiu, boh durian ba leh hnư hrui wĭt lu, jing hdră lŏ krŭ wĭt bruă hiu čhưn ênguê hŏng dŭm boh tŭ dưn jing mâo lu knăm m’ak dhar kreh dŭm djuê ana ƀiă ti krĭng Lăn dap kngư dưi mkŏ mjing. Mŭt hlăm thŭn 2024, dŭm čar hlăm krĭng mâo leh hdră čuăl mkă kluôm truh kơ thŭn 2030 hnơ̆ng trah dlăng truh kơ thŭn 2050 mâo leh Khua knŭk kna bi mklă, jing tur knơ̆ng čiăng kpưn đĭ kjăp hĭn. Klei čih akŏ thŭn mrâo “Lăn dap kngư kjăp klei đăo knang đ

VOV4.Êđê- Yan mnga Giáp Thìn wĭt leh hŏng klei mtah mda mơ̆ng đang ana boh kroh, dŭm êbâo mta mnga bi lông čuh blang ti krĭng lăn dap kngư. Lăn adiê, mnuih msĕ si hrăm mbĭt hŏng dŭm klei bi mlih ti krĭng ƀuôn sang. Thŭn anak rai ba lu klei čang hmăng mđing truh kơ dŭm klei tŭ jing mrâo, hgao klei dleh dlan, lông dlăng, mkŏ mkra ƀuôn sang mdrŏng sah.