VOV4.Êđê- Phŭn bruă hâo hưn mtô mblang hgŭm leh hŏng anôk bruă kiă kriê kơ klei dưi êngiê anak mnuih mơư̆ng knŭk kna lehanăn knơ̆ng bruă sang čư̆ êa čar Kontum mkŏ mjing klei mjuăt bi hriăm kơ bruă hâo hưn kơ klei dưi êngiê kơ anak mnuih hŏng ala tač êngao.

VOV4.Êđê-Hrue mbrue (26/10), Êpul ngă bruă mơ̆ng gưl dlông kơ bruă bi kdơ̆ng hŏng klei ƀơ̆ng ngăn mâo Trần Cẩm Tú, k’iăng khua kiă kriê bruă kdơ̆ng hŏng klei ƀơ̆ng ngăn mơ̆ng gưl dlông ngă khua êpul, jing êpul mrô 3 ngă leh bruă hŏng bruă Đảng čar Bà Rịa – Vũng Tàu bi êdah bruă Đảng bi kdơ̆ng hŏng klei ƀơ̆ng ngăn.

VOV4.Êđê-Khua knŭk kna Phạm Minh Chính drông leh Anthony Capuano, khua kiă kriê êpul grŭp Marriott (Mi).

VOV4.Êđê- Tlam mbruê 25/10, ti Anôk bruă knŭk kna, Khua knŭk kna Phạm Minh Chính drông leh K’iăng Khua knŭk kna, Khua phŭn bruă hŏng tač êngao Thái Lan Parnpree Bahiddha-Nukara ƀri gưl hriê čhưn ti Việt nam mơ̆ng hruê 25-26/10/2023.

VOV4.Êđê- Hruê mbruê 25/10, bruă sang čư êa čar Lâm Đồng mâo hră mtrŭn mjêč kơ bruă mgaih msir klei truh êa lip lêč ngă klei bliư̆ êdeh ôtô ngă kơ 4 čô tuê hiu čhưn ênguê mơ̆ng Dhŭng Korea djiê ti wăl anôk hiu čhưn ênguê Làng Cù Lần hluê si klei gĭt gai mơ̆ng Khua knŭk kna.

VOV4.Êđê- Khua lăn čar Võ Văn Thưởng mrâo bi klă klei kuôl kă bi đru kơ hdră bhiăn kčŭt hưn klei ngă soh plah wah ala čar yang ƀuôn ngă phŭn Việt Nam leh anăn ala čar Argentina hluê si klei mñă mơ̆ng knŭk kna hlăm hră hưn mdah mrô 523 hruê 09/10/2023.

VOV4.Êđê- Čiăng gang mkhư̆ klei amâo myun kyua klei truh jhat yua pui kmlă hlăm yang ƀuôn, mbĭt hŏng bruă kriê dlăng rơ̆ng kơ ktuê êlan pui kmlă êđăp ênang, thŭn 2023, Knơ̆ng bruă pui kmlă Dak Lak mđĭ bruă hâo hưn hŏng lu hdră.

VOV4.Êđê- Ti kdriêk Krông Pač, sa mnuôr êa prŏng bi liê giăm 15 êklai prăk mâo Knơ̆ng bruă sang čư̆ êa kdriêk bi liê, amâo uêñ kơ anôk bruă djŏ tuôm mơ̆ng Phŭn bruă lŏ hma leh anăn mđĭ kyar krĭng ƀuôn sang ghă leh đăm ngă ôh kyua amâo tŭ dưn. Knhal tuč, hdră bruă amâo dưi yua, lui huâng leh anăn ară anei dôk hlăm lăn lŭ, lu anôk klưh hroh kjham jing klei huĭ hyưt kơ mnuih ƀuôn sang.

VOV4.Êđê- Aguah 25/10, ti ƀuôn prŏng Hồ Chí Minh mkŏ mjing klei bi trông kreh knhâo lu ala čar kơ Êa ksĭ Ngŏ tal 15 hŏng akŏ “Bi hrŏ krĭng êa ksĭ mmăt, pŏk mlar krĭng ksĭ mtah”, kyua Sang hră bi hgŭm hŏng tač êngao leh anăn dŭm anôk bruă bi hgŭm mkŏ mjing.

VOV4.Êđê- Hruê mbruê 25/10, ti ƀuôn prŏng Ƀuôn Ama Thuôt, čar Dak Lak, Hdră bi mguôp tar rŏng lăn, Phŭn bruă lŏ hma leh anăn mđĭ kyar krĭng ƀuôn sang mkŏ mjing klei kƀĭn trông kah mbha klei hriăm mđĭ hĭn bruă klam mơ̆ng phung mniê hlăm bruă mkra mjing, mnia mblei boh mnga lŏ hma.