VOV4.Êđê - Aguah mbruê, 5/12, Anôk kriê dlăng bruă Đảng čar Gia Lai mkŏ mjing Klei bi kƀĭn tal 14 pŏk mlar tĭng dlăng bruă ngă hlăm thŭn 2023 lehanăn hdră msi mghaih dŭm mta bruă djŏ hŏng klei dưi.

VOV4.Êđê - Aguah mbruê (5/12), Êpul ngă bruă mơ̆ng Anôk bi ala Mi ti ƀuôn prŏng Hồ Chí Minh mă leh bruă hŏng phung khua Anôk bruă sang čư̆ êa čar Dak Lak čiăng tui ksiêm kơ dŭm bruă 2 tĭng mâo klei găl bi hgŭm hlăm wưng ti anăp.

VOV4.Êđê - Tlam mmăt mbruê, 5/12, hlăm hdră nao čhưn ti Lao, Khua Anôk bruă kƀĭn ala Vương Đình Huệ lehanăn Êpul bi ala Gưl dlông mơ̆ng Anôk bruă kƀĭn ala bi tuôm leh hŏng phung mă bruă duh mkra Việt Nam ti Lao.

VOV4.Êđê - Mđing truh knăm bi hdơr 79 thŭn Hruê mkŏ mjing Lĭng kahan yang ƀuôn Việt Nam (22/12), hruê 5/12 mbruê, Khua lăn čar Võ Văn Thưởng nao čhưn, mă leh bruă hŏng Knơ̆ng gĭt gai Kahan krĭng 5, alŭ wăl mâo bruă klam yuôm bhăn wăt hlăm hdră kđi čar, duh mkra, lĭng kahan, răng mgang klei êđăp ênang, bruă hŏng tač êngao krĭng kwar Krah – lăn dap kngư.

VOV4.Êđê - Leh pŏk klei bi kƀĭn gưl dlông bruă kƀĭn ala Campuchia – Lao – Việt Nam tal 1, aguah mbrue 5/12, khua bruă kƀĭn ala Vương Đình Huệ mâo klei blŭ ti anôk bi kƀĭn kluôm.

VOV4.Êđê - Ti Gia Lai, Êpul hgŭm kriê dlăng krĭng Lăn dap kngư mrâo mkŏ mjing Klei bi kƀĭn tal 2 kơ bruă Čuăl mkă krĭng Lăn dap kngư wưng thŭn 2021-2030, hnơ̆ng trah dlăng thŭn 2050. Klei bi kƀĭn mâo boh tŭ yuôm bhăn hlăm bruă hluê ngă tŭ dưn bruă klam mơ̆ng Êpul hgŭm kriê dlăng krĭng, hrăm mbĭt bi trông kơ dŭm “Klei dleh”, “Klei kpăk đuôm” dôk mâo lehanăn tă hdră êlan, mta kñăm, hdră msir mkŏ mjing lehanăn hluê ngă hlăm wưng ti anăp, mtrŭt mđĭ hdră bi hgŭm hlăm krĭng čiăng mđing truh kơ mta kñăm mđĭ kyar Lăn dap kngư “Mtah – Bi kna – H’ĭt kjăp”.

VOV4.Êđê- Hlăm gưl nao hlăm klei kƀĭn trông gưl dlông Bruă kƀĭn ala 3 ala čar Campuchia – Lào – Việt Nam, hruê mbruê 4/12, Khua bruă kƀĭn ala Vương Đình Huệ nao čuă leh đa đa phung khua gĭt gai hđăp mơ̆ng Lào.

VOV4. Êđê- Hdră mtrŭn kơ klei brei ksiêm dlăng klei ruă tưp, ksiêm dlăng kơ mnơ̆ng rông hŏng hruh čĭm iăt Viêt Nam ba čhĭ ti China dưi ba yua pŏk leh klei găl prŏng kơ anôk ba čhĭ kơ dŭm alŭ wăl rông čĭm iăt. Ti Dak Lak hlăm jih sa thŭn êgao, phung rông čĭm iăt leh anăn dŭm anôk bruă duh mkra mnia blei hruh čĭm iăt mprăp kơ hnơ̆ng mnơ̆ng dưi ba čhĭ hluê êlan kpă tơdah Viêt Nam bi leh hră mơar hlue si klei čiăng.

VOV4.Êđê- Aguah mbruê 4/12, Knơ̆ng bruă hiu čhưn ênguê ƀuôn prŏng Hồ Chí Minh mkŏ mjing knăm mphŭn pŏk Hruê kăm hiu čhưn ênguê gưl tal 3 hŏng akŏ “Mtah hlăm grăp hdră”.

VOV4.Êđê- Aguah mbruê 4/12, Đại tướng Phan Văn Giang, Khua hlăm phŭn bruă kđi čar, Khua phŭn bruă lĭng kahan gĭt gai leh knăm tŭ drông leh anăn blŭ hrăm hŏng Khua phŭng bruă lĭng kahan Malaysia Dato’ Seri Utama Haji Mohamad Bin Haji Hasan