VOV4.Êđê - Lŏ dŏng hdră mă bruă ti Gia Lai, aguah hruê 5/9, ti ƀuôn prŏng Pleiku, Khua lăn čar Võ Văn Thưởng nao čhưn, mă bruă ti Binh đoàn 15 – anôk bruă mâo giăm 40 thŭn hluê ngă bruă mkŏ mjing Wăl duh mkra lĭng kahan ti alŭ wăl Lăn dap kngư lehanăn Dhŭng Quảng Bình.

VOV4.Êđê - Hruê mbruê 5/9, Khua knŭk kna Phạm Minh Chính mâo leh mmông bi tuôm hŏng Khua knŭk kna Timor-Leste Xanana Gusmao leh anăn khua kiă kriê Klei kƀĭn bruă duh mkra tar rŏng lăn Klaus Schwab ƀri wưng nao hgŭm hlăm klei kƀĭn trông gưl dlông ASEAN gưl tal 43 leh anăn dŭm klei kƀĭn djŏ tuôm ti Jakarta, Indonesia.

VOV4.Êđê - Aguah mbruê 5/9, ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh Lưu Kiến Siêu, Khua hlăm bruă Đảng gưl dlông, Khua êpul blŭ hrăm hŏng tač êngao gưl dlông Đảng cộng sản China dôk mâo gưl hriê čuă leh anăn mă bruă ti Việt Nam.

VOV4.Êđê- Aguah mbruê, hlăm djăp krĭng kwar lăn čar, hđeh sang hră bi hơ̆k mơak nao hlăm knăm pŏk thŭn hriăm mrâo. Êbeh 22 êklăk čô hđeh sang hră hlăm kluôm lăn čar klă klơ̆ng mŭt hlăm thŭn hriăm mrâo 2023 – 2024.

VOV4.Êđê- Ƀri wưng nao hgŭm hlăm klei kƀĭn trông gưl dlông ASEAN gưl tal 43 ti Jakartar, Khua knŭk kna Phạm Minh Chính mâo leh klei bi tuôm hŏng Khua mil čhil Indonesia Joko Widodo.

VOV4.Êđê - Êlâo kơ mphŭn pŏk thŭn hriăm mrâo, Êpul mă bruă mơ̆ng Phŭn bruă sang hră mtô bi hriăm mâo Khua phŭn bruă Nguyễn Kim Sơn ngă Khua êpul ksiêm dlăng bruă mprăp ksiêm dlăng bruă mprăp kơ thŭn hriăm mrâo leh anăn mđup brei mnơ̆ng kơ hđeh sang hră krĭng taih kbưi čar Dak Nông.

VOV4.Êđê - Mrâo êgao, Khua knŭk kna Phạm Minh Chính nao hlăm Klei bi kƀĭn online ksiêm wĭt thŭn hriăm 2022-2023 leh anăn mprăp kơ thŭn hriăm mrâo 2023-2024.

VOV4.Êđê Thŭn hriăm mrâo kčưm leh. Mbĭt hŏng phung hđeh hlăm kluôm ala, jih jang phung hđeh mnuih djuê ƀiă ti kdriêk taih kbưi Đam Rông, čar Lâm Đồng lŏ dơ̆ng nao sang hră mơar, hŏng lu klei duh mĭn mơ̆ng sang hră lehanăn yang ƀuôn.

VOV4.Êđê - Mŭt hlăm thŭn hriăm mrâo 2023 – 2024, mbĭt hŏng bruă rơ̆ng kơ hdră mtô bi hriăm, anôk bruă sang hră m’ar čar Dak Lak mbĭt hŏng bruă sang čư̆ êa dŭm alŭ wăl hlăm čar dôk iêu mtrŭt djăp ai dưi, klei mâo čiăng mkra mrâo dŭm anôk bruă nah gŭ, adŭ hriăm, mprăp kdrăp mnơ̆ng mkăp djăp ênŭm kơ hdră mtô bi hriăm phung hđeh.

VOV4.Êđê Phung khua mduôn, mnuih mâo k’hưm (hlăm anăn mâo lu phung đảng viên) ti Gia Lai jing nanao gru mngač, ba akŏ hlăm hdră bi mlih klei mĭn, hdră ngă hlăm krĭng mnuih ƀuôn sang djuê ana ƀiă. Diñu dưi dlăng jing “Ana mŭt akŏ êa, hră akŏ ƀuôn” bi h’ĭt ênang krĭng ƀuôn sang. Lu thŭn êgao, khua mduôn, mnuih mâo k’hưm, khua ƀuôn jing kdrông mkŏ ba dŭm hdră êlan mtrŭn mơ̆ng Đảng, Knŭk kna truh kơ mnuih ƀuôn sang.