Hlăm klei bi trông, Khua gĭt gai Đảng, Khua  lăn čar Tô Lâm bi mklă čang hmăng lŏ dơ̆ng mkra mđĭ jar bi hgŭm anei, kñăm mjing thiăm ênoh yuôm klă sĭt leh anăn kjăp kơ m nuih ƀuôn sang dua ala čar. Bi hgŭm bruă duh mkra, mbia blei leh anăn bi liê jing klei ktang hĭn, jing kmeh gơ̆ng kjăp bi hgŭm dua ala čar. Việt Nam dôk gĭr mđĭ klei bi hgŭm anei jing bi knar hĭn hlăm dŭm thŭn kơ anăp.

Khua gĭt gai Đảng, Khua lăn čar Tô Lâm brei thâo Việt Nam ƀuăn rơ̆ng krơ̆ng kjăp klei kđi čar – ala ƀuôn, mjing klei hơĭt kơ djăp hdră kčah sui mơ̆ng anôk bruă duh mkra; mđĭ klei êdah kldưn klei bhiăn, lŏ dơ̆ng ksiêm dlăng, khăt bi hrŏ hră mơar, msir mgaih klei  gun kpăk čiăng mkŏ mjing sa hdră bhiăn klă mngač, sa anăn, răng mgang klei dưi leh anăn boh tŭ dưn djŏ hdră bhiăn mơ̆ng phung bi ala, mkăp djăp ênŭm, hơĭt kjăp, răng mgang klei dưi leh anăn klei tŭ dưn djŏ hdră bhiăn mơ̆ng phung bi liê, mkăp djăp ênŭm, hơĭt kjăp pui kmlă, êa, bruă dang kông, lăn leh anăn klei găl.