Mmông mđup brei anăn knăl dưi mkŏ mjing ti sang Nguyễn Thị Xuyến, đảng viên dôk kƀĭn hlăm Êpul bruă Đdảng alŭ 7, bruă Đảng ƀuôn hgŭm 2 Bảo Lộc.  Hlăm mmông mđup brei, Khua Sang phat kđi gưl dlông Nguyễn Văn Quảng mñă klă, Anăn Knăl 80 thŭn Đảng jing klei pah mni yuôm bhăn, čih yap ai tiê sĭt suôr, knhuah kđi čar leh anăn klei duh myơr prŏng prĭn mơ̆ng đảng viên.

Anei amâo djŏ knŏng jing klei ktưn hưn mơ̆ng ñu pô, gŏ sang ôh ƀiădah lŏ jing klei ktưn hưn mơ̆ng bruă Đảng, bruă sang čư̆ êa leh anăn mnuih ƀuôn sang čar Lâm Đồng. Khua Sang phat kđi yang ƀuôn gưl dlông čang hmăng Nguyễn Thị Xuyến lŏ dơ̆ng suaih pral, mđĭ lar bruă klam bi hmô kơ phung knuă druh, đảng viên.