VOV4.Êđê- Tiểu đoàn mjuăt bi hriăm – bi kdơ̆ng pral, Knơ̆ng gĭt gai lĭng kahan răng mgang knông lăn čar Dak Lak êlâo adih jing Đại đội 9 Kahan ksiêm yang ƀuôn djă phao ktuang mơ̆ng čar, dưi mkŏ mjing hlăm hruê 30/7/1977. Bruă klam phŭn mơ̆ng êpul jing mjuăt bi hriăm phung kahan mrâo, phung kahan mprăp kdơ̆ng mblah. Dăl hlăm ktuê êlan giăm pluh thŭn, êpul êya bi leh jih bruă klam mâo kčah jao, mjuăt bi hriăm phung kahan mrâo mâo hnơ̆ng tŭ jăk, kơ Lĭng kahan răng mgang knông lăn dŭm čar Dak Lak, Gia Lai, Kon Tum, Dak Nông, Khánh Hòa, Bình Định lehanăn Quảng Ngãi.

VOV4.Êđê- H’Juel jing sa čô mă bruă klei mrâo, mđung asăp klei M’Nông mơ̆ng Sang mđung asăp – mđung rup čar Dak Nông. Amai lŏ nao hgŭm kriê dlăng sa anôk bruă mâo anăn Leng Gung thơ̆ng kơ bruă hưn mthâo lehanăn čhĭ dŭm mta mnơ̆ng mơ̆ng dhar kreh djuê ana. Mơ̆ng anăn đru kriê pioh kjăp, hưn mthâo lehanăn mđĭ lar boh tŭ yuôm dhar kreh djuê ana. Ƀri bi hdơr Hruê phung mniê tar rŏng lăn 8/3, drei bi tuôm lehanăn blŭ hrăm hŏng mniê êra M’Nông jing pô khăp kơ dhar kreh djuê ana mơ̆ng đưm lehanăn klei gĭr mơ̆ng amai hlăm bruă kriê pioh knhuah dhar kreh jăk siam mơ̆ng djuê ana pô:

VOV4.Êđê- Wưng leh êgao, kahan ksiêm čar Lâm Đồng mghaih msir leh dŭm klei ngă soh kyua mnăm leh kpiê lŏ mgăt êdeh.

VOV4.Êđê- Ti ƀuôn prŏng Kon Tum, Êpul ngă bruă mơ̆ng bruă Đảng phung duh mkra gưl dlông mkŏ mjing leh bruă mkŏ mjing Đảng 5 thŭn (2020 - 2025) lehanăn mâo klei bhiăn bi hgŭm plah wah bruă Đảng êpul grup duh mkra, dŭm knơ̆ng bruă, knơ̆ng prăk duh mkra mnia mblei knŭk kna hŏng dŭm bruă Đảng alŭ wăl hlue ngă asăp mtrŭn mrô 61 mơ̆ng êpul khua kiă kriê.

VOV4.Êđê- Hlăm klei nao čhưn ti Australia, tlam mbrue 7/3 hlue si mmông alŭ wăl, Khua knŭk kna Phạm Minh Chính čhưn hrăm leh hŏng aduôn Sharon Claydon, K’iăng khua bruă kƀĭn ala nah gŭ, jing khua êpul phung khua prŏng hgŭm mbĭt Australia – Việt Nam lehanăn phung ngă bruă mbĭt.

VOV4.Êđê- Aguah 07/3, leh knăm drông kdrưh kơăm ti Sang bruă kƀĭn ala, Khua knŭk kna Phạm Minh Chính mâo leh klei bi trông hŏng Khua knŭk kna Australia Anthony Albanese.

VOV4.Êđê - Aguah anei 7/3 (hluê mmông alŭ wăl), Khua knŭk kna Australia Anthony Albanese lehanăn Mô̆ ñu gĭt gai leh knăm drông Khua knŭk kna Phạm Minh Chính lehanăn Mô̆ ñu mbĭt hŏng êpul bi ala gưl dlông nao čhưn klă klơ̆ng Australia mơ̆ng hruê 7 - 9/3.

VOV4.Êđê - Hruê mbruê 6/3, Bruă sang čư êa kdriêk Lak, čar Dak Lak mkŏ mjing knăm ba mdah klei bi klă mơ̆ng Khua knŭk kna, tŭ yap să Nam Ka jing să Êđăp ênang mơ̆ng gưl dlông hlăm ênuk mblah Prăng leh anăn Mi.

VOV4.Êđê - Ti anăp klei hŭi hyưt không amâo mâo hjan, kƀah êa krih kơ wưng pla mjing yan puih mnga ti dŭm mlan knhal jih yan bhang, dhar bruă lŏ hma čar Kon Tum mđĭ hĭn bruă kriê dlăng êa jua ti dŭm knơ̆ng kdơ̆ng êa leh anăn bi kna, yua êa kreh knhâo, mkriêt mkriêm čiăng bi mdrơ̆ng hŏng klei không kƀah êa.

VOV4.Êđê - Ƀri bi hdơr Hruê phung mniê tar rŏng lăn, 8/3, aguah hruê 6/3, K’iăng khua lăn čar Võ Thị Ánh Xuân bi tuôm leh hŏng phung bi ala, Khua êpul bruă tar rŏng lăn ti Việt Nam lehanăn nao čuă dŭm Wăl knhuah gru ti ƀuôn Đồng Kỵ, Từ Sơn, Bắc Ninh.