VOV4.Êđê – Aguah 6/3 hlue si mmông alŭ wăl, Khua knŭk kna Phạm Minh Chính nao hlăm Klei bi kƀĭn bi hdơr 50 thŭn bi hgŭm ASEAN-Australia ti Melbourne, Australia.

VOV4.Êđê – Aguah mbruê 6/3, Khua dhar bruă gưl dlông mặt trận čar kwar Việt Nam Đỗ Văn Chiến mbĭt hŏng êpul ngă bruă mâo leh mmông mă bruă hŏng Êpul khua bruă Đảng čar Điện Biênh kơ hdră êlan bi mguôp ksiêm wĭt hluê ngă hdră mtrŭt mjhar đru rŭ mdơ̆ng sang bi mguôp kơ gŏ sang ƀun ƀin mđing truh bi hdơr 70 thŭn Klei mblah dưi Điện Biên Phủ, mâo hdră êlan mpŭ mnie, bi hdơr phung jhŏng ktang djiê êngiă klă anăp nao hlăm klei bi blah Điện Biên Phủ ti Điện Biên.

VOV4.Êđê – Aguah mbruê 6/3, ti sang kdŏ mmuñ prŏng Hà Nội mkŏ mjing knăm mđup brei pah mni Pô mbruă yang ƀuôn, pô mbruă êdah êdi gưl tal 10.

VOV4.Êđê – Tlam mbrue (5/3) tui si mmông alŭ wăl, ti ƀuôn prŏng Melbourne, Khua knŭk kna Phạm Minh Chính nao hlăm knăm drông phung khua kiă kriê nao ti anôk bi kƀĭn mâo khua knŭk kna Australia Anthony Albanese kiă kriê.

VOV4.Êđê – Tlam mbrue (5/3), ti Sang bruă kƀĭn ala, Khua bruă kƀĭn ala Vương Đình Huệ kiă kriê leh klei mă bruă hŏng anôk bruă Đảng bruă kƀĭn ala hŏng êpul khua kă kriê bruă Đảng ƀuôn prŏng Hà Nội kơ hdră bhiăn ƀuôn prŏng phŭn lŏ mlih mrâo; čuăl mkă ƀuôn prŏng Hà Nội wưng thŭn 2021-2030, tă hdră truh kơ thŭn 2050 lehanăn bi mlih hdră êlan čuăl mkă ƀuôn prŏng phŭn Hà Nội truh kơ thŭn 2045, tă truh kơ thŭn 2065.

VOV4.Êđê - Ƀri nao ti Klei bi kƀĭn gưl dlông bi hdơr 50 thŭn Klei bi mjĕ ASEAN-Australia, nao čhưn klă klơ̆ng Australia, ti ƀuôn prŏng Melbourne, Khua knŭk kna Phạm Minh Chính nao leh ti knăm bi hdơr 30 thŭn Êlan phiơr kpă Việt Nam -Australia lehanăn gru kruăk Vietnam Airlines mdiăng 6 êklăk čô tuê ti ktuê êlan phiơr Việt Nam- Australia.

VOV4.Êđê - Čar Kon Tum mâo êbeh 292 km êlan knông lăn siă hŏng ala čar Lào lehanăn Campuchia. Hŏng ai tiê “Kđông kahan jing sang, knông lăn jing ƀuôn, mnuih ƀuôn sang dŭm djuê ana jing ayŏng adei sa thung k’ŭt”, êpul kahan răng mgang knông lăn čar Kon Tum mâo leh lu bruă ngă klă sĭt, bi êdah klei hgŭm mguôp lĭng kahan hŏng mnuih ƀuôn sang ti krĭng knông lăn. Mơ̆ng klei sa ai, đru mbĭt mơ̆ng phung knuă druh lĭng kahan răng mgang knông lăn, klei hdĭp mnuih ƀuôn sang ti krĭng knông lăn čar Kon Tum ƀrư̆ hruê ƀrư̆ đĭ kyar hĭn, h’ĭt kjăp hĭn.

VOV4.Êđê - Aguah mbrue 5/3, hlăm klei nao čhưn ti Australia, Khua knŭk kna Phạm Minh Chính nao lehanăn khăt leh čhiăm pŏk anôk bruă ksiêm duah kơ hdră êlan Australia – Việt Nam ti Sang hră gưl prŏng RMIT, ƀuôn prŏng Melbourne, bang Victoria.

VOV4.Êđê - Mơ̆ng hruê 4 - 6/3, Sang kriê pioh kdrăp mnơ̆ng đưm phung mniê Việt Nam, bi hgŭm hŏng Êpul bruă mniê Việt Nam čar Điện Biên mkŏ mjing Knăm rang mdah rup “Phung mniê hŏng Điện Biên” lehanăn mtrŭt mjhar klei bi lông online “Tui ksiêm 70 thŭn Hruê mblah dưi Điện Biên Phủ".

VOV4.Êđê - Aguah hruê 5/3, hluê mmông alŭ wăl, Khua knŭk kna Phạm Minh Chính nao ti Klei bi kƀĭn Anôk bruă duh mkra Việt Nam – Austraylia.