VOV4.Êđê- Yap mơ̆ng mlan 4 leh êgao, kluôm ala mâo leh truh 25.500 klei bi hmô mdê mdê hlăm klei tui hriăm lehanăn hlue ngă knhuah mngač mơ̆ng Awa. Hlăm anăn mâo leh lu klei bi hmô mrâo, hŏng klei jăk klei ngădjŏ ti lu alŭ wăl

VOV4.Êđê- Hrue 12/6 Čar Daklak mâo leh hră iêo mthưr mơ̆ng bruă Đảng čar Êpul Gơ̆ng bruă ƀuôn sang, Knơ̆ng bruă sang čư̆ êa, knơ̆ng bruă mặt trận čar. Yua phao ksŭng ngă anôk bruă kahan ksiêm să Êa Tiêu lehanăn să Êa Ktur ngă djiê êka phung knuă druh kahan ksiêm, knuă druh să lehanăn mnuih ƀuôn sang.

VOV4.Êđê- K’iăng khua knŭk kna Trần Lưu Quang mâo leh klei bi mklă mrô 648/QĐ-TTg mkăp hră tŭ yap “Lăn čar čih yap ai tiê” kơ 4 čô djiê êngiă dôk hlăm phŭn bruă kahan ksiêm, lehanăn 2 čô djiê êngiă dôk hlăm čar Daklak kiă kriê.

VOV4.Êđê- Aguah mbrue 12/6, ti Sang bruă kƀĭn ala, ti gŭ klei gĭt gai mơ̆ng khua bruă kƀĭn ala Vương Đình Huệ lehanăn phung k’iăng khua bruă kƀĭn ala, dhar bruă gĭt gai bruă kƀĭn ala pŏk leh klei bi kƀĭn plah wah dua gưl bi kƀĭn bruă kƀĭn ala.

VOV4.Êđê- Ti ƀuôn prŏng phŭn Paris, Prăng mkŏ mjing leh klei bi kƀĭn kreh knhâo hŏng akŏ “Êa ksĭ Ngŏ leh anăn bruă kơ klei dưi mơ̆ng Việt Nam mâo klei hgŭm mơ̆ng lu phung ksiêm hriăm leh anăn phung khăp kơ plao ksĭ Việt Nam.

VOV4.Êđê- Tlam mmăt 11/6, Khua knŭk kna Phạm Minh Chính nao ti Quảng Ninh čiăng ksiêm dlăng boh klei mkra mjing leh anăn mkăp pui kmlă hlăm Knơ̆ng bruă pui kmlă Mông Dương; Knơ̆ng bruă pui kmlă Quảng Ninh leh anăn bruă ba yua, mkăp hdăng kơ dŭm sang sang măi pui kmlă ti Knơ̆ng bruă hdăng Hà Tu.

VOV4.Êđê- Ti msat lĭng kahan djiê êngiă kdriêk knông lăn Ngọc Hồi, Bruă Đảng čar, Êpul gơ̆ng bruă ƀuôn sang, bruă sang čư êa, dhar bruă mặt trận čar Kon Tum mkŏ mjing knăm čang ênuh, dơr klang 12 čô lĭng kahan djiê êngiă, phung thơ̆ng kơ bruă Việt Nam hlăm dŭm gưl bi blah ti Lào leh anăn Campuchia mâo êpul K53 kkuai duah hlăm yang bhang thŭn 2023.

VOV4.Êđê- Hlăm gưl nao čuă leh anăn mă bruă ti ala čar Czech, Khua phŭn bruă hŏng tač êngao Bùi Thanh Sơn mâo leh mmông bi tuôm hŏng êpul êya mnuih Việt Nam ti Czech leh anăn Ơrôp.

VOV4.Êđê- Ƀri wưng bi hdơr 75 thŭn hruê khua gĭt gai Hồ Chí Minh mâo klei iêô thưr bi ktưn khăp kơ ala čar (11/6/1948 - 11/6/2023), aguah mbruê 11/6, ti Hà Nội, Êpul gơ̆ng klei bi lông pah mni gưl dlông mkŏ mjing klei kƀĭn trông pah mni phung mâo klei bi hmô hlăm kluôm ala.

VOV4.Êđê- Hlăm dŭm thŭn êgao, mđĭ lar klei găl mơ̆ng bruă lŏ hma ti alŭ wăl, hŏng ai tiê jhŏng mĭn, jhŏng ngă leh anăn ênoh prăk brei čan ngă lŏ hma. Dŭm êbâo čô ngă lŏ hma ti čar Gia Lai pŏk ngă tŭ dưn lu gru hmô lŏ hma, ba wĭt bruă duh mkra, mơ̆ng anăn bi mdrŏng kơ gŏ sang pô, đru bi mlih ƀô̆ mta krĭng ƀuôn sang hlăm čar.