Phung aê mdrao dưi jao mă bruă ti 6 sang êa drao leh anăn 29 anôk bruă mdrao mgŭn, hlăm anăn mâo lu anôk bruă ti krĭng taih kbưi. Hlăm ênoh 218 aê mdrao djŏ ruah, phung aê mdrao thơ̆ng mâo lu, leh anăn jing phung aê drao hlue knhuah djuê ana, phung aê mdrao mkăp leh anăn aê mdrao êgei ƀô̆ mta. 46 aê mdrao dưi jao mă bruă ti 6 sang êa drao gưl čar, 144 aê mdrao wĭt ngă bruă ti 18 anôk bruă mdrao mgŭn krĭng wăl, hlăm anăn mâo krĭng taih kbưi.

Bruă hrŏng ruah mbŏ phung aê mdrao tal anei đru msir klei kƀah phung mă bruă mdrao mgŭn, mđĭ  klei thâo ngă bruă leh anăn hnơ̆ng ksiêm mkă, mdrao mgŭn ti dŭm anôk mdrao mgŭn. Mơ̆ng anăn, bi hrŏ klei kpĭ kơ êpul bruă mdrao mgŭn ară anei, mkhư̆ klei ba kơ gưl dlông, mjing klei găl kơ mnuih ƀuôn sang dưi dưn hdră kriê dlăng klei suaih pral ti alŭ wăl mtam.