Hdră anei đru kơ mnuih khua thŭn ka mâo hră hră ênua mdrao mgŭn bi hrŏ klei ktrŏ prăk bi liê, mâo thiăm klei găl dưi dưn dŭm hdră bruă kriê dlăng klei suaih pral. Mnuih dưi đru mâo gưl thŭn mơ̆ng ênŭm 60 thŭn truh ti gŭ 75 thŭn, mâo čih anăn dôk jưh ti čar Dak Lak leh anăn ka mâo hră ênua mdrao mgŭn. Ênoh đru jing 100% ênoh tĭng tla hră ênua mdrao mgŭn hluê si klei kčah mtrŭn ară anei, bi knar hlăm brô 1.366.200 prăk/čô/thŭn. Ênoh prăk hluê ngă kyua ngăn prăk čar Dak Lak rơ̆ng, dưi mkăp hlăm hdră tĭng tla grăp thŭn.

Tĭng, grăp thŭn Dak Lak pioh êbeh 114 êklai prăk čiăng pŏk ngă hdră anei. Knŏng thŭn 2026, bruă đru dưi hluê ngă mơ̆ng hruê 30/10. Hdră đru mguôp pŏk mlar ênhă dưi mkăp hră ênua mdrao mgŭn, boh nik hŏng êpul mnuih khua thŭn ka dôk hlăm ênoh mâo ngăn prăk knŭk kna đru. Mơ̆ng anăn, đru kơ mnuih ƀuôn sang bi hrŏ prăk bi liê ksiêm mkă dlăng, mdrao klei ruă, bi hrŏ klei brei tla prăk amâo dah dôk guôn mdrao kyua klei dleh dlan kơ ngăn prăk.