Dŭm čô djŏ klei ruă dưi čih yap ti să Ea Sŭp, ƀuôn hgŭm Ƀuôn Hồ leh anăn ƀuôn hgŭm Tuy Hòa. Mnuih ruă djiê jing L.B.H., 57 thŭn, dôk ti ƀuôn hgŭm Tuy Hòa. Whitmore jing klei ruă djŏ kman kyua kman dôk hlăm lăn leh anăn êa, dưi mŭt hlăm asei mlei hluê anôk êka hlăm klĭt. Klei ruă đĭ nao kơ kjham, boh nik hŏng mnuih mâo klei ruă êlâo.

Ară anei ka mâo ôh vaccine gang mkhư̆ klei ruă. Anôk bruă mdrao mgŭn mtă kơ mnuih ƀuôn sang ƀơ̆ng ksă, mnăm hlơr; amâo yua ôh mnơ̆ng rông ruă, djiê mkra mjing mnơ̆ng ƀơ̆ng. Tơdah sô̆ djŏ hŏng lăn lŭ, êa čhŏ, brei yua găng kngan, hdruôm jơ̆ng mgang leh anăn guôm jih anôk êka čiăng bi hrŏ klei tưp kman.