VOV4.Êđê- Ti anôk bi kƀĭn tal 3 kơ klei ruah khua, jih jang phung bi ala mâo sơăi klei tŭ ư hŏng ênoh 205 čô mơ̆ng dŭm anôk bruă, êpul bruă, êpul êya ti Gưl dlông djăp ênoh čuăn nao mgơ̆ng ruah phung bi ala Quốc hội gưl 15. Klei bi kƀĭn mâo anôk bruă gưl dlông bruă măjt trận čar kwar Việt Nam mkŏ mjing aguah mbrue (15/4), ti Hà Nội. leh ruĕ klei bi kƀĭn bi trông gưl tal dua klei ruah khua, tui si ênoh mơ̆ng Anôk bruă kiă kriê klei ruah khua ala čar, jih jang ênoh mnuih mâo dăp ka klă ênŭm mơ̆ng gưl dlông lehanăn alŭ wăl jing 1 êbâo 093 čô mnuih. Hlăm anăn, Gưl dlông jing 205 čô mnuih, alŭ wăl jing 888 čô mnuih, lehanăn mâo 75 čô mnuih čŏng nao mgơ̆ng ruah. Msĕ snăn, hnơ̆ng ênoh 2,19 čô mnuih nao mgơ̆ng ruah srăng mâo 1 čô djŏ ruah pô bi ala Quốc hội. Ti anôk bi kƀĭn dlăng tui si ênoh čuăn pô bi ala Quốc hội, boh tŭ dưn mă klei blŭ anôk puhng mgơ̆ng ruah dôk pioh hlak mblang, lehanăn mâo leh lu klei akâo klă mngač. Phung bi ala akâo bi mngač bruă hưn mdah pô mgơ̆ng ruah jing pô bi ala Quốc hội truăn kơ bruă gưl 15, phung bi ala ti anôk bi kƀĭn, Khua hlăm êpul kiă kriê Đảng gưl dlông, khua bruă mặt trận gưl dlông Đỗ Văn Chiến mñă: klei bi kƀĭn trông čhai kơ klei ruah khua tal 3 jing bruă mprăp kơ klei ruah khua bi trông hĕ ti gưl knhal tuič, čiăng mâo ênoh anăn phung mgơ̆ng ruah knhal tuič djăp ênoh čuăn mơĭt kơ êpul khua kiă kriê klei ruah khua ala čar lŏ ngă dŭm bruă ti anăp./.

Pô mblang: Y-Khem Niê