VOV4.Êđê -  Ƀri hlăm wưng bi hdơr 46 thŭn hruê dưi sua wĭt klei êngiê ti krĭmg kwar dhŭng, hluh hlir ala čar, bruă Đoàn čar Gia Lai mkŏ mjing leh hdră êlan čiăng wĭt kơ phŭn gha lehanăn knăm ba yua sang čih pioh knhuah gru ƀuê ênuk êpul hđeh êdam êra Cách Mạng čar Gia Lai wưng thŭn 1962-1975 ti ƀuôn Tăng Lăng să Krong, kdriêk Kƀang. Leh mâo klei dưi hlăm klei kgŭ bi kdơ̆ng Đồng Khởi thŭn 1960, čar Gia Lai dưi mkŏ mkra anôk mâo klei êngiê, mâo klei găl mđĭ kyar bruă kơ phung hđeh êlăk. ti kčưm thŭn 1962, anôk bruă Đoàn dưi mâo klei rŭ mdơ̆ng čiăng dưi bi mklin, mtô mjuăt hđeh êdam êra srăng kgŭ bi kdơ̆ng hŏng phung roh hriê mmiă ala čar.

Mâo lu ênuk phung knuă druh, Đoàn Viên, hđeh êdam êra săn asei mlei, tuh êrah mčah klang, djiê êngiă ti krĭng lăn anei, đru mbĭt hŏng jih jang lĭng kahan, mnuih ƀuôn sang dưi mâo klei êngiê hlăm čar. Čiăng mâo sa “anôk hrah” mtô mjuăt kơ knhuah gru mâo leh, bruă Đoàn čar Gia Lai mâo klei mtrŭt mjhar kơ dŭm anôk bruă čiăng mkŏ mkra sa boh sang knhuah gru ƀuê ênuk hđeh êdam êra Cách Mạng čar Gia Lai ti să Krong. Klei mkŏ mkra anei dưi rŭ mdơ̆ng hlăm ênhă lăn 2.000m², hŏng ênoh duh bi liê êbeh 600 êklăk prăk.

H Zawut pô mblang