VOV4.Êđê- Tlam hruê 8-4, knăm jao bruă mơ̆ng Khua Knŭk kna mkŏ mjing ti Anôk bruă knŭk kna, plah wah Khua Knŭk kna Phạm Minh Chính leh anăn Khua lăn čar nNguyễn Xuân Phúc -  Khua knŭk kna hđăp leh anăn hưn mdah Hdră mtrŭn jao bruă kơ 2 čô K’iăng Khua knŭk kna leh anăn phung Khua phŭn bruă, phung mkăn hlăm Knŭk kna wưng thŭn 2021-2026. Blŭ hrăm hlăm anôk bi kƀĭn, Khua lăn čar Nguyễn Xuân Phúc hơêč hmưi kơ Khua knŭk kna mrâo Phạm Minh Chính, phung k’iăng Khua knŭk kna, Khua phŭn bruă, Anôk bruă knŭk kna, anôk bruă mrâo mă Hdră mtrŭn jao bruă.

Mbĭt anăn bi êdah klei bi mni kơ Phŭn bruă kđi čar, Anôk dlăng bruă Đảng gưl dlông, Quốc hôị, Mặt trận čar kwar Việt Nam, dŭm anôk bruă hlăm hdră kđi čar leh anăn dŭm gưl mnuih ƀuôn sang đru, bi hgŭm, mjing klei găl leh anăn nao ai čiăng kơ Knŭk kna wưng thŭn 2016-2021 bi leh jăk bruă klam kčah leh, ktưn hưn kyua jih ai tiê myơr, ngă bruă kyua ala čar, kơ yang ƀuôn, đru mguôp hlăm dŭm klei tŭ mơ̆ng Knŭk kna 5 thŭn êgao, ba ala čar đĭ kyar sa knhuang yuôm bhăn.

Pô mblang: H’Zawut Ƀuôn Yă