VOV4.Êđê -  Tlam hruê 31/3, ti Sang Quốc hội, Knơ̆ng bruă kriê dlăng hdră bhiăn bi hgŭm hŏng Adŭ bruă Quốc hội mkŏ mjing leh Knăm mtrŭt mjhar Klei bi lông trực tuyến Tui ksiêm hdră bhiăn kơ klei ruah pô bi ala Quốc hội lehanăn bi ala Hội đồng nhân dân. Jih jang mnuih ƀuôn sang Việt Nam hlăm lehanăn êngao ala čar dưi ba klei bi lông ti Mbah hâo hưn điện tử mơ̆ng Quốc hội, Mbah hâo hưn điện tử Knơ̆ng bruă kriê dlăng Hdră bhiăn, Hla pŏk hâo hưn điện tử mơ̆ng Êpul hgŭm ruah khua ala čar, Hla pŏk hâo hưn điện tử mtô mblang kơ hdră bhiăn; Hla pŏk hâo hưn điện tử mơ̆ng Sang mđung rup Quốc hội Việt Nam; Hră điện tử phung bi ala mnuih ƀuôn sang lehanăn Hră klei mrâo Hdră bhiăn Việt Nam điện tử. Mta phŭn klei bi lông jing dŭm klei êmuh kčah mtrŭn kơ Hdră bhiăn ruah phung bi ala Quốc hội lehanăn bi ala Hội đồng nhân dân thŭn 2015; dŭm klei kčah mtrŭn mơ̆ng Hdră bhiăn phŭn, Hdră bhiăn mkŏ mjing, Hdră bhiăn mkŏ mjing bruă knŭk kna alŭ wăl kơ hdră ruah pô bi ala Quốc hội lehanăn bi ala Hội đồng nhân dân. Klei bi lông dưi mkŏ mjing hlăm 30 hruê, mơ̆ng 0h00 hruê 01/4/2021 truh kơ 24h00 hruê 30/4/2021 hŏng klei pah mni mrô sa jing 20 êklăk prăk lehanăn lu klei pah mni mkăn./.

H Nêč pô mblang