VOV4.Êđê-  Ƀri knăm bi hdơr Khua Yang kbiă lŏ hdĭp, Võ Ngọc Hiệp- Khua hlăm bruă Đảng čar - Khua mặt trận čar Lâm Đồng mbĭt hŏng phung hlăm Knơ̆ng bruă mặt trận čar kwar čar nao êmuh hrăm dŭm êpul bruă, Khua dlăng bruă klei đaŏ Khop, Tin Lành ti ƀuôn prŏng Đà Lạt. Êpul nao čhưn ti Anôk bruă klei đaŏ Khop Đà Lạt, Sang Aê Diê Khop Đà Lạt, Êpul đaŏ Khop Thánh Vinh Sơn, leh anăn Anôk bruă bi ala Sang Aê Diê Klei mrâo mrang jăk ala čar Việt Nam (Kwar Dhŭng). Ti dŭm anôk nao čhưn, Khua Knơ̆ng bruă mặt trận čar Võ Ngọc Hiệp mơĭt asăp hơêč hmưi kơ phung dlăng bruă, phung đaŏ Khop, Tin lành, ƀri gưl bi hdơr knăm Khua Yang lŏ hdĭp thŭn 2021. Mbĭt anăn čang hmăng phung khua dlăng bruă klei đaŏ leh anăn phung đaŏ lŏ dơ̆ng gĭr ngă hlăm hdră bi ktưn khăp kơ ala čar, hrăm mbĭt mkŏ mjing alŭ wăl ƀrư̆ hruê ƀrư̆ đĭ kyar.

Pô mblang: H’Zawut Ƀuôn Yă