VOV4.Êđê- Mprăp dơ̆ng truh kơ yan hjan, knơ̆ng bruă pui kmlă Dak Lak dưi mâo leh dŭm hdră êlan čiăng mdrơ̆ng hŏng dŭm klei truh mơ̆ng yan adiê.

 Phung mă bruă mkra mđĭ anôk mđĭ mtrŭn pui kmlă yan hjan

Yan adiê thŭn 2021 mâo klei đăo knăl jing dleh kơ klei ksiêm dlăng, kyuanăn, Knơ̆ng bruă pui kmlă Dak Lak bi hmar kluôm ênŭm klei gĭt gai, mâo êpul êya hlăm bruă mdrơ̆ng hŏng klei truh mơ̆ng yan adiê leh anăn đru dŏng mnuih ƀuôn sang, bi mbha bruă klam kơ grăp čô hlăm êpul. Êngao kơnăn mâo dŭm êpul êya hlăm bruă mdrơ̆ng hŏng klei truh mơ̆ng yan adiê ti nah gŭ čiăng mghaih msir dŭm klei mjêč.

 Hriăm krŭ wĭt pral êlan klei pui kmlă êbuh joh leh angĭn êbŭ

Knơ̆ng bruă pui kmlă Dak Lak bruă pui kmlă ăt mâo ênŭm êdeh êdâo, mnơ̆ng dhơ̆ng mprăp, leh anăn mnơ̆ng yua hlăm bruă mgaih msir kơ dŭm klei truh anăn. Mrâo anei, ti să Ƀuôn Triêt, kdriêk Lăk, dŭm êpul êya bruă pui kmlă Dak Lak mâo leh klei hriăm bruă mdrơ̆ng hŏng klei truh hlăm yan adiê leh anăn đru dŏng mnuih ƀuôn sang, bi mđĭ klei thâo hlăm bruă gĭt gai leh anăn klei thâo hlăm bruă mgaih msir dŭm klei truh kyua yan adiê ngă.

Pô mblang: Y-Khem Niê