VOV4.Êđê- Knơ̆ng bruă sang čư̆ êa čar Dak Lak mâo hră mơar brei dŭm kdriêk, wăl krah, ƀuôn prŏng gĭt gai mdei ngă bruă dŭm anôk bruă mnia blei (sang ƀar/pud, bida, karaoke, kdŏ mmuiñ, mdah phim, wăl phung hđeh hlăp lêñ…) mơ̆ng hruê 4/5/2021. Hŏng dŭm anôk bruă mkăn dưi ngă bruă ƀiădah brei ngă bi jăk dŭm hdră gang mkhư̆ klei ruă tưp. Dŭm bruă ngă kƀĭn lu mnuih (kkuh mpŭ klei đaŏ, huă mnăm, bi kƀĭn..) brei ngă klei mtă 5k, ktuê dlăng tliêr kjăp phung nao hlăm anôk anei (boh nik phung hriê mơ̆ng krĭng mâo klei ruă tưp). Mnuih ƀuôn sang hriê mơ̆ng dŭm alŭ wăl dôk kwang dar mơ̆ng dŭm čar, ƀuôn prŏng (hluê si hưn mdah mơ̆ng Phŭn bruă mdrao mgŭn leh anăn Knơ̆ng bruă sang čư̆ êa dŭm alŭ wăl) brei nao ti anôk mdrao mgŭn giăm hĭn čiăng hưn klei suaih pral leh anăn bi ktlah hkăn ti sang hluê si klei kčah mtrŭn.

Pô mblang: H’Zawut Ƀuôn Yă